Almaty Qalalyq balalardy ońaltu ortalyǵynda aqyl-oı kemístígí bar balalardy tárbıelep otyrǵan otbasylardy qoldauǵa baǵyttalǵan jańa joba – «Smart Mental» sanaly oılau mektebí jūmysyn bastady. Būl turaly Almaty qalasynyń Qoǵamdyq densaulyq saqtau basqarmasynyń ókílderí aıtty.
Joba ata-analardy qoldauǵa jáne balanyń damuyna qatysty olardyń qūzyretín arttyruǵa baǵyttalǵan.
Negízgí maqsat – otbasylarǵa balalardyń mínez-qūlqy men qajettílíkterín tereńírek túsínuge, kúndelíktí qıyndyqtardy senímdí túrde eńseruge jáne ońaltu protsesíne sanaly túrde qatysuǵa kómektesu.
Mektep ayasynda pedagogtar, psıholog jáne logoped-defektologtardyń qatysuymen praktıkalyq sabaqtar ótkízíledí. Ata-analar qoljetímdí árí qoldanbaly bílím alyp, úı jaǵdaıynda paıdalanuǵa bolatyn daǵdylardy meńgeredí. Būl daǵdylar psıho-sóıleu damuy tejelgen, autızm spektríníń būzylystary, Daun sındromy jáne basqa da ıntellektualdyq būzylysy bar balalarmen qarym-qatynasta, oqytuda jáne kúndelíktí kútímde qoldanylady.
Oqu baǵdarlamasyn ayaqtaǵan qatysushylarǵa ony ótkení turaly kuálík beríledí.
Ortalyq mamandarynyń aıtuynsha, jūmystyń būl formaty mamandar men otbasy arasynda seríktestík ornatuǵa múmkíndík beredí jáne ár bala úshín ońaltu protsesíníń tıímdí árí tūraqty boluyna yqpal etedí.
Qalalyq balalardy ońaltu ortalyǵyna joldamany míndettí áleumettík medıtsınalyq saqtandyru (MÁMS) ayasynda tírkelgen jerí boıynsha emhanadan tegín aluǵa bolady.
