Almatyda Respýblıka Saraıy aldyndaǵy Abaı atyndaǵy alańda Almaty qalasy mektepteri túlekterin «Altyn belgi» «JAS TÚLEK-2023» belgisimen marapattaýdyń saltanatty rásimi ótti. «Altyn belgi» tósbelgisimen 5-shi synyptan 11-shi synypqa deıingi oqý úzdikteri marapattalady. Bıyl Almaty qalasy mektepteriniń 474 túlegi «Altyn belgi» joǵary nagradasyna ıe bolý quqyǵyn rastady, onyń ishinde qala mektepteriniń 423 túlegi jáne 51 respýblıkalyq mektep túlegi (NZM, RFMM, Abaı atyndaǵy daryndy balalarǵa arnalǵan respýblıkalyq orta mektep-ınternaty). 2023 jyly Almaty mektepterin barlyǵy 14 876 túlek, onyń ishinde memlekettik mektepterdi 12 682 túlek, jeke menshik mektepterdi 2194 túlek bitirdi.
Aıta keterligi, «Altyn belgimen» marapattalǵandardyń konkýrs ótken kezde bilim berý granttaryn alýǵa basym quqyǵy bar. Sonymen qatar, bıyl ǵana halyqaralyq zıatkerlik olımpıadalar men ǵylymı jarystarda 7 altyn, 11 kúmis jáne 23 qola medal jeńip alǵan megapolıs oqýshylary atap ótildi.
Merekelik marapattaý barysynda túlekter sherýine qosa mazmundy konserttik baǵdarlama usynyldy. Sahnada qonaqtar aldynda túlekter men «Rise» shoý-baleti, «Mektep – saǵynyshym» áni, Aıqyn Tólepbergen, Alpha toby jáne qazaqstandyq estradanyń basqa da ártisteri óner kórsetti.
Almaty qalasy bilim basqarmasynyń basshysy Lázzat Jylqybaeva, segiz aýdan ákimderi men bilim berý ardagerleri ár túlekke «Altyn belgi» joǵary marapatyn tapsyrdy.
«Altyn belgi» ıelengen túlekterdi osy aıtýly kúnmen shyn júrekten quttyqtaımyn, sizder qalamyzdyń maqtanyshy men ıgiligi bolyp tabylasyzdar. Sizderge alǵa umtylyp, júrekteriń qalaǵan mamandyqty alýdy tileımin. Jastardyń bolashaq jetistikteri eldiń damýyna zor úles qosatyndaryńa senimdimin. Men ónegeli urpaq tárbıelegen muǵalimder men ata-analarǵa alǵys bildiremin. Barlyq úmitterińiz ben armandaryńyz oryndalsyn!»,- dedi qalalyq bilim basqarmasynyń basshysy Lázzat Jylqybaeva.
Saltanatty is-shara sońynda túlekter dástúr boıynsha Dınaıdyń «Qus joly» ániniń yrǵaǵymen mekteppen qoshtasý válsin oryndady. Bul balalyq shaqtaǵy estelikterdiń sońǵy akordy boldy, ony árkim ómir boıy júreginde saqtaıdy.
