Kól aumaǵy qala tūrǵyndarynyń jaıly seruendeuí úshín abattandyrylady
Almaty ákímí Erbolat Dosaev Túrksíb audanynyń tūrǵyndarymen jūmys sapary jáne kezdesu barysynda áuejaı kólín mehanıkalyq tazartu boıynsha daıyndyq jūmystarymen tanysty. Tazartu 1963 jyly su qoımasy paıda bolǵannan berí alǵash ret júzege asyrylady, dep habarlaıdy almaty-akshamy.kz
Áuejaı kólí qalanyń tómengí bólígínde, Túrksíb audanynda ornalasqan. Su qoımasynyń tolymdylyǵy 1 250 000 tekshe metr, ortasha tereńdígí shamamen 8 metr. Kól halyq arasynda tanymal: su qoımasyna kúníne myńnan astam adam keledí.
Túrksíb audanynyń ákímí Baqytjan Aqjarov qala basshysyna jobaǵa sáıkes túbín laı men qamystan mehanıkalyq tazartu, túbín tereńdetu jūmystary jáne t.b. josparlanǵanyn bayandady. Qazírgí uaqytta kólge zertteu júrgízíldí, joba túzetílude. Su aıdyny tolyq bosatylǵannan keıín 2024 jyldyń ekínshí toqsanynda uchaskede tehnıka – 3 shynjyr tabandy ekskavator, 1 tıegísh, 25 samosval – jáne 35 jūmysshydan tūratyn brıgada jūmyldyrylady.
Rezervuardy mehanıkalyq tazartu sudy tolyǵymen tógíp tastaǵannan keıín ǵana múmkín bolady, ol būryn-sońdy áuejaı kólínde jasalmaǵan.
«Mūndaı nysandarǵa tūraqty negízde qyzmet kórsetu kerek. Su qoımasyn jyl saıyn bosatu kerek, meníń bíluímshe, ár 5 jyl saıyn kóp faktorly zertteuler júrgízu kerek. Eń bastysy-sapaly jūmys júrgízu», - dedí Almaty ákímí Erbolat Dosaev. Qala basshysy kól aumaǵyn keshendí abattandyru qajettígíne nazar audardy.
Qala ákímíníń tapsyrmasy boıynsha osy audanda qoǵamdyq keńístík qūrylyp, qosymsha kógaldandyru, jaǵalauda demalu úshín shamdar men kóshe jıhazdaryn ornatu qamtamasyz etíledí. Jūmystar Elevator kóshesí boıymen Súıínbaı dańǵylynan Ordjonıkıdze kóshesíne deıín júrgízíledí.
Ekologıya jáne qorshaǵan orta basqarmasynyń basshysy Serík Ádílbaev Kíshí Almaty ózení arnasynyń Rysqūlov dańǵylynan Áuejaı kólíne deıíngí su qorǵau beldeuín abattandyrumen jekelegen uchaskelerín rekonstruktsıyalau boıynsha jobalau-smetalyq qūjattamany ázírleuge byudjettík ótíním berílgenín habarlady.
Sondaı-aq, qala basshysyna kól jaǵalaularyn jalǵaıtyn jayau júrgínshíler kópírín salu turaly ūsynys jasaldy. Erbolat Dosaev bastamany qoldap, osy ıdeyany pysyqtauǵa tapsyrma berdí.
Eske salsaq, Almaty ákímí Erbolat Dosaevtyń tapsyrmasy boıynsha 2023 jyly 50 jylda alǵash ret Saıran kólíníń túbí tazaryp, 140 myń tekshe metrden astam qoqys pen laı shyǵarylǵan edí. Osyndaı jūmystar Qarasu kólínde de júrgízíldí.