Almatyda 11 shílde kúní qala ákímdígíníń ūıymdastyruymen ALMATY SUMMER FEST qalalyq festıvalíníń altynshy kontsertí ótedí, – dep habarlaıdy aqshamnews.kz tílshísí.
Ūıymdastyrushylar qala tūrǵyndary men qonaqtaryn senbí keshín ashyq aspan astynda ásem áuenge bóleníp, súıíktí ónerpazdarynyń ónerín tamashalauǵa shaqyrady.
Kontsert saǵat 18:00-de «Alatau» dástúrlí óner teatrynyń alańynda bastalady.
Būl keshte sahnada Kalifarniya, Qanay, Búrkít & Aısha, Janbolat & Jazıra, Elnūr Nauryzbek, Ǵalamat Beıseqoja, Ernar Jūmataev, Aksunkar, Jūma Ábíl, Azamat Tórehan, Erdaulet Mūratūly, Nurislam, JVSMIN, Dana Turar, Baymaman, DJ Akhmetoff, sondaı-aq Áuezov audanynyń shyǵarmashylyq ūjymdary óner kórsetedí.
Kontserttí Dıdar Káden men Balausa Erǵalına júrgízedí.
ALMATY SUMMER FEST jobasy jaz mausymy boıy ár senbí saıyn ótkízílíp keledí jáne qala tūrǵyndary men qonaqtarynyń mádenı demalysyna arnalǵan jańa alańǵa aınaldy. Jaz bastalǵaly berí festıval myńdaǵan kórermenníń basyn qosty. Árbír kontsert ózíndík mazmūny men erekshe baǵdarlamasymen daralanyp, bír sahnada elímízdíń tanymal ónerpazdary men Almatynyń ár audanynan kelgen shyǵarmashylyq ūjymdardy toǵystyryp keledí.