Muzeı salasyn damytu jáne halyqaralyq standart engízu ayasynda Almaty qalasy muzeılerí bírlestígíníń qyzmetkerlerí Koreya Respublıkasynyń Seul jáne Kyondju qalalarynyń jetekshí muzeılerínde kásíbı bílíktílígín arttyrudan óttí, - dep habarlaıdy Aqshamnews.kz.
Būl turaly Almaty qalasy Mádenıet basqarmasynyń ókílderí habarlady.
Bílíktílíktí arttyru baǵdarlamasy Seul qalasy muzeılerí bírlestígí tarapynan tegín negízde júzege asyrylyp, mádenıet pen muzeı ísí salasyndaǵy halyqaralyq yntymaqtastyqty nyǵaıtu baǵytyndaǵy júıelí jūmystyń nátıjesí boldy.
Oqu baǵdarlamasy zamanauı muzeı qyzmetíníń negízgí baǵyttary, atap aıtqanda, eksponattardy esepke alu jáne saqtaluyn qamtamasyz etu, onyń íshínde qolaıly klımattyq jaǵdaıdy (temperatura, ylǵaldylyq, jaryq) baqylap, retteu, restavratsıya jáne konservatsıya jūmystaryn júrgízu, tasymaldau kezínde qauípsízdík talaptaryn saqtaluyn qadaǵalau boıynsha teorıyalyq jáne tájírıbelík sabaqtardy qamtydy.
Taǵylymdama ayasynda Muzeı qyzmetkerlerí Seul jáne Kendju qalalarynyń jetekshí muzeıleríníń jūmys tájírıbesímen jan-jaqty tanysty. Atap aıtqanda, Koreyanyń Ūlttyq muzeıí, Koreya Ūlttyq folklor muzeıí, Seul qalasy tarıhy muzeıí, Seul qolóner óner muzeıí, Sedjon patsha muzeıí, Admıral Lı Sunsın muzeıí, Koreyanyń Ūlttyq saraı muzeıí, Kendju Ūlttyq muzeıí, Kendju Ūlttyq parkí, Kenbokkun saraıy, Chhongechhon muzeıí, Hanyandoson bekínís-qamaly muzeıí.
Sonymen qatar, YuNESKO-nyń Álemdík mūralar tízímíne engen ashyq aspan astyndaǵy Kendju arheologıyalyq kesheníníń qyzmetímen tanysyp, ozyq tájírıbelerín zerdeledí.
Aıta keteıík, 2022 jyly Almaty qalasy muzeıler bírlestígí men Seul qalasy tarıhy muzeıí arasynda yntymaqtastyq turaly memorandumǵa qol qoıylǵan bolatyn. Osy kelísím ayasynda 2022 jyly Seul qalasy tarıhy muzeıínde Almaty muzeıíníń «Ūly Dala jauharlary» kórmesí, al 2024 jyly Almaty qalasynda Seul qalasy tarıhy muzeıíníń «Seul ǵajaıyptary» kórmesí ūıymdastyryldy.