Almatyda jas ázírleushílerdí, dızaınerlerdí jáne oıyn ındustrıyasynyń mamandaryn bíríktírgen halyqaralyq Turkic Game Jam 2026 hakatonynyń jergílíktí kezeńí ayaqtaldy, – dep habarlaıdy aqshamnews.kz tílshísí.
Ís-shara Almaty Creative Hub alańynda óttí. Qatysushylar 48 saǵat boıy túrkí halyqtarynyń mıfterí, ańyzdary men mádenı mūrasynan shabyt alǵan oıyn jobalaryn ázírledí.
2026 jyly hakaton bír mezgílde alty elde ūıymdastyrylyp, túrkí memleketteríníń GameDev qauymdastyqtary arasyndaǵy yntymaqtastyqty damytuǵa baǵyttalǵan eń írí bastamalardyń bíríne aınaldy. Almatyda jobalardyń fınaldyq qorǵaluyna 12 komanda qatysyp, sarapshylar alqasynyń nazaryna óz oıyn ázírlemelerín ūsyndy.
Baıqau qorytyndysy boıynsha jergílíktí kezeńníń jeńímpazy Teqes Studio komandasy atandy. Endí olar qyrkúıek aıynda Budapesht qalasynda ótetín halyqaralyq grand-fınalda Almatynyń namysyn qorǵap, qatysushy elderdíń úzdík komandalarymen baq synaıdy.
«Turkic Game Jam hakatonynyń ūıymdastyrushylarynyń bírí retínde būl bastamanyń qaıtadan Almatyda ótuí jáne jergílíktí GameDev qauymdastyǵynyń qarqyndy damyp kele jatqanyn kóru bíz úshín úlken maqtanysh. Bıyl bíz zamanauı tsıfrlyq tehnologıyalar men túrkí halyqtarynyń baı mádenı mūrasynyń úılesím tapqanyn kórdík. Osy 48 saǵattyń nátıjesí bízdíń kútkenímízden de asyp tústí», – dedí Almaty Tourism Bureau dırektorynyń orynbasary Baqyt Elubaeva.
Turkic Game Jam kreatıvtí ındustrıyalardy damytuǵa, jas talanttardy qoldauǵa jáne tsıfrlyq tehnologıya salasyndaǵy halyqaralyq yntymaqtastyqty nyǵaıtuǵa yqpal etedí. Mūndaı bastamalar jas mamandardyń kásíbı damuyna qosymsha múmkíndík beríp, Almatydaǵy kreatıvtí ındustrıya ekojúıesíníń odan árí damuyna serpín beredí.