Almatyda «Esírtkíge jol joq» atty esírtkíge qarsy auqymdy fleshmob óttí, – dep habarlaıdy aqshamnews.kz tílshísí.
Almatyda QBTU ǵımaratynyń aldyndaǵy alańda «Esírtkíge jol joq» atty esírtkíge qarsy fleshmob ūıymdastyryldy. Ís-sharaǵa memlekettík organdardyń ókílderí, jastar ūıymdary, eríktíler men qala tūrǵyndary qatysyp, salauatty ómír saltyn qoldau jáne esírtkíníń taraluyna qarsy kúreske óz únderín qosty.
Shara jyl saıyn 26 mausymda atap ótíletín Halyqaralyq nashaqorlyqqa jáne esírtkíníń zańsyz aınalymyna qarsy kúres kúníne oraı jáne esírtkíge qarsy aılyq ayasynda óttí.
Fleshmobtyń basty sátí – kólemí 10×5 metr bolatyn, «Esírtkíge jol joq» degen jazuy bar alyp tudyń saltanatty túrde jaıyluy boldy. Būl sımvoldyq áreket qoǵamnyń esírtkí qaupíne qarsy bírlígín jáne jas ūrpaq úshín qauípsíz orta qalyptastyruǵa degen ortaq ūmtylysyn kórsettí.
Ís-sharaǵa Almaty qalasy Polıtsıya departamentíníń Esírtkí qylmysyna qarsy ís-qımyl basqarmasynyń qyzmetkerlerí, «Jastar Ruhy» jastar qanatynyń ókílderí, Almaly audandyq prokuraturasy, audan ákímdígí, eríktíler ūıymdary, joǵary oqu oryndary men kolledjderdíń studentterí, esírtkí qūqyqbūzushylyqtarynyń aldyn alu jóníndegí keńes múshelerí, qoǵam qaıratkerlerí jáne belsendí qala tūrǵyndary qatysty.
Fleshmobqa qatysushylar jastar arasynda profılaktıkalyq jūmysty kúsheıtudíń, halyqtyń esírtkíníń zıyany turaly aqparattanuyn arttyrudyń jáne azamattardy salauatty ómír salty mádenıetín qalyptastyruǵa tartudyń mańyzyn atap óttí.
Ūıymdastyrushylardyń aıtuynsha, mūndaı aktsıyalar qoǵamnyń esírtkí qateríne qarsy ımmunıtetín nyǵaıtyp, memleket pen qoǵamnyń esírtkí qylmysyna qarsy kúrestegí kúsh-jígerín bíríktíredí. Sondaı-aq, ár adamnyń óz densaulyǵy men el bolashaǵyna jauapkershílíkpen qarauy qajet ekenín eske salady.
Fleshmob sońynda qatysushylar jaıylǵan alyp tudyń ayasynda estelík suretke túsíp, barsha jūrtshylyqty salauatty árí qauípsíz ómír saltyn ūstanuǵa shaqyrdy.