Almatyda tūrǵyndarǵa skrınıngtík tekserulerdíń mańyzdylyǵy eskertíldí. Almatydaǵy №36 emhananyń dırektory Gúljaınat Tílegenníń aıtuynsha, tūraqty dıagnostıka aurudy erte kezeńde anyqtap, emdí der kezínde bastauǵa jáne asqynulardyń aldyn aluǵa múmkíndík beredí, – dep habarlaıdy aqshamnews.kz tílshísí.
Dárígerdíń aıtuynsha, skrınıng kóbíne bastapqy kezeńde belgísíz ótetín keń taralǵan sozylmaly jáne onkologıyalyq aurulardy anyqtauǵa baǵyttalǵan.
Skrınıngten ótuge arnalǵan jas toptary:
30-74 jas — áıelder (jatyr moıny obyryna skrınıng, ár 4 jyl saıyn);
40-76 jas — er adamdar men áıelder (arterıyalyq gıpertonıya, júrektíń ıshemıyalyq auruy, qant dıabetí, glaukoma jáne mínez-qūlyq qauíp faktorlary, ár 2 jyl saıyn);
40-76 jas — áıelder (sút bezí qaterlí ísígíne skrınıng, ár 2 jyl saıyn);
50-76 jas — er adamdar men áıelder (kolorektaldy qaterlí ísíkke skrınıng, ár 2 jyl saıyn);
50-76 jas — er adamdar (mı qan aınalymynyń būzyluyna skrınıng, ár 2 jyl saıyn).
Gúljaınat Tílegen skrınıngtíń negízgí maqsaty — aurudy alǵashqy belgíler paıda bolmaı tūryp, em tıímdí kezeńde anyqtau. Būl auyr asqynulardyń aldyn alyp, nauqastyń ómír sapasyn saqtauǵa kómektesedí.
Tírkelgen emhanalarda júrgízíletín skrınıngtík tekseruler densaulyq saqtaudyń qoljetímdí tásílí sanalady.
Dárígerler tūrǵyndardy profılaktıkany keıínge qaldyrmaı, qajettí tekserulerden uaqytyly ótuge shaqyrady.