Almatyda Esen Dúısenov kóshesíndegí qalalyq keńístíktí keshendí kóríktendíru josparlanyp otyr, - dep habarlaıdy aqshamnews.kz tílshísí.
Jūmys sapary barysynda Almaty ákímí Darhan Satybaldy Esen Dúısenov kóshesíníń Rozybakıev kóshesínen Dargomyjskıı kóshesíne deıíngí aralyqty aralap, atalǵan aumaqta júrgízíletín kúrdelí jóndeu jobasymen tanysty.
Joba ayasynda ūzyndyǵy 2,3 shaqyrym bolatyn kóshe keńístígí keshendí túrde jańǵyrtylmaq. Atap aıtqanda, keń kólemde kógaldandyru jūmystary júrgízílíp, júrgínshílerge arnalǵan aımaqtar abattandyrylady, asfalt-beton jáne plıtka jabyndary tóseledí, oryndyqtar men qoqys jáshíkterí ornatylady. Sonymen qatar, jaryqtandyru jáne suaru júıelerí jańartylyp, zamanauı talaptarǵa sáıkestendíríledí.
Sondaı-aq, joba ayasynda balalar men sport alańdaryn salu, workout-aımaqtar qūru, ashyq sporttyq jattyǵu qūraldaryn ornatu, futbol alańyn, skeıt-park, shahmat ústelderín, velosıped tūraqtaryn jáne auyzsu būrqaqtaryn ornalastyru kózdelgen. Būdan bólek, suaru júıesín jóndeu, tamshylatyp suaru júıesín engízu jáne kabel jelílerín jańartu josparlanǵan. Joba Prokofev kóshesíndegí uchaskelerdí jáne «Budan» skveríníń aumaǵyn da qamtıdy.
Sonymen qatar, Almaty ákímí Almaly audanynda 240 orynǵa arnalǵan balabaqsha qūrylysynyń barysymen tanysty.
Sapar qorytyndysy boıynsha Darhan Satybaldy abattandyru jūmystarynyń sapaly árí ūzaq merzímge qyzmet etetín senímdí sheshímder negízínde júzege asyryluy qajettígín atap óttí. Qala basshysy almatylyqtardyń zamanauı, kórkem árí jaıly qalalyq ortada ómír súruí tıís ekenín aıtyp, jauapty basqarmalar men audan ákímdígíne jobany sapaly árí belgílengen merzímde júzege asyrudy tapsyrdy.