Almatyda Air Astana seriktesteri men jetkizýshilerine arnalǵan ashyq esik kúni jáne ESG Awards marapatynyń ekinshi rásimi ótti, onda áýe kompanıasy turaqty damý salasyndaǵy bastamalardy iske asyrýǵa qosqan úlesi úshin seriktesterdi marapattady.
Kompanıanyń jetkizýshileri men seriktesterine arnalǵan Ashyq esik kúniniń maqsaty - qazirgi jetkizýshilermen seriktestik qarym-qatynasty nyǵaıtý, jańa áleýetti jetkizýshilerdi áýe kompanıasyndaǵy jetkizý tizbegimen tanystyrý jáne kompanıanyń turaqty satyp alý salasyndaǵy jospary týraly áńgimeleý.
İs-sharada Air Astana árbir kásipker tirkele alatyn satyp alýlar úshin jeke sıfrlyq platformasymen tanystyrdy. Bul jetkizýshilerdi tirkeýden bastap shart jasasýǵa deıingi satyp alýdyń barlyq kezeńine yńǵaıly jáne qol jetimdi qural.
«Jeke sıfrlyq formatqa kóshýdiń jáne biryńǵaı standarttardy engizýdiń arqasynda satyp alý úderisi barlyq jetkizýshi úshin ıkemdi jáne ashyq boldy, - deıdi satyp alý jáne jabdyqtaý jónindegi vıse-prezıdent Dılára Kúnhojaeva. - Platformany iske qosý, Ashyq esik kúnin ótkizý Air Astana kompanıalar tobynyń ashyqtyqqa jáne barlyq jetkizýshi úshin teń jaǵdaı jasaýǵa umtylysyn rastaıdy».
Ashyq esik kúninde Air Astana satyp alatyn taýarlardyń kórmesi ótti: ýnıforma, arnaıy kıim, aıaq kıim, borttyq ónim, jol jıyntyqtary, almaly-salmaly borttyq toqyma, gıgıenalyq ónim, ónerkásiptik ónim, ydys jáne t.b.
ESG Awards marapaty kompanıanyń áriptesterine kompanıanyń ESG qaǵıdattaryn iske asyrýǵa qosqan úlesi úshin beriledi (ekologıa, áleýmettik jaýapkershilik, korporatıvtik basqarý). İs-shara áriptesterdiń borttyq qyzmet kórsetý, eńbekti qorǵaý, qyzmetkerlerdi oqytý jáne damytý, ekologıa, ushý qaýipsizdigi, genderlik teńdik sıaqty salalardaǵy eńbegin marapattaýǵa, sondaı-aq kompanıanyń ESG-bastamalary týraly habardarlyqty arttyrýǵa baǵyttalǵan.
Air Astana kompanıasynyń ornyqty damý máseleleri jónindegi departamentiniń dırektory Iýlıa Lım:
«Biz seriktesterimiz ben jetkizýshilerimizge jaýapty jetkizý tizbekterin damytýǵa jáne ornyqty damý qundylyqtaryn qoldaýǵa qosqan úlesi úshin alǵys aıtamyz. Qazir kompanıa satyp alý rásimderine ESG qaǵıdattaryn engizý boıynsha belsendi jumys istep jatyr, bul úderisti barynsha ashyq jáne jaýapty etedi».
Bıyl kompanıa 11 seriktesterin marapattady, olardyń ishinde iri halyqaralyq korporasıalar, jergilikti óndirýshiler men shaǵyn jáne orta bıznes ókilderi bar. Mańyzdy krıterıılerdiń qatarynda jetkizýshilerdiń senimdiligi men ádeptiligi, ESG salasyndaǵy kompanıanyń korporatıvtik maqsattaryn qoldaý, ıkemdilik pen ashyqtyq sıaqty qasıetter bar.