Almatyda Air Astana seríktesterí men jetkízushíleríne arnalǵan ashyq esík kúní jáne ESG Awards marapatynyń ekínshí rásímí óttí, onda áue kompanıyasy tūraqty damu salasyndaǵy bastamalardy íske asyruǵa qosqan úlesí úshín seríktesterdí marapattady.
Kompanıyanyń jetkízushílerí men seríktesteríne arnalǵan Ashyq esík kúníníń maqsaty - qazírgí jetkízushílermen seríktestík qarym-qatynasty nyǵaıtu, jańa áleuettí jetkízushílerdí áue kompanıyasyndaǵy jetkízu tízbegímen tanystyru jáne kompanıyanyń tūraqty satyp alu salasyndaǵy jospary turaly áńgímeleu.
Ís-sharada Air Astana árbír kásípker tírkele alatyn satyp alular úshín jeke tsıfrlyq platformasymen tanystyrdy. Būl jetkízushílerdí tírkeuden bastap shart jasasuǵa deıíngí satyp aludyń barlyq kezeńíne yńǵaıly jáne qol jetímdí qūral.

«Jeke tsıfrlyq formatqa kóshudíń jáne bíryńǵaı standarttardy engízudíń arqasynda satyp alu úderísí barlyq jetkízushí úshín ıkemdí jáne ashyq boldy, - deıdí satyp alu jáne jabdyqtau jóníndegí vıtse-prezıdent Dılyara Kúnhojaeva. - Platformany íske qosu, Ashyq esík kúnín ótkízu Air Astana kompanıyalar tobynyń ashyqtyqqa jáne barlyq jetkízushí úshín teń jaǵdaı jasauǵa ūmtylysyn rastaıdy».
Ashyq esík kúnínde Air Astana satyp alatyn tauarlardyń kórmesí óttí: unıforma, arnaıy kıím, ayaq kıím, borttyq óním, jol jıyntyqtary, almaly-salmaly borttyq toqyma, gıgıenalyq óním, ónerkásíptík óním, ydys jáne t.b.
ESG Awards marapaty kompanıyanyń áríptesteríne kompanıyanyń ESG qaǵıdattaryn íske asyruǵa qosqan úlesí úshín beríledí (ekologıya, áleumettík jauapkershílík, korporatıvtík basqaru). Ís-shara áríptesterdíń borttyq qyzmet kórsetu, eńbektí qorǵau, qyzmetkerlerdí oqytu jáne damytu, ekologıya, ūshu qauípsízdígí, genderlík teńdík sıyaqty salalardaǵy eńbegín marapattauǵa, sondaı-aq kompanıyanyń ESG-bastamalary turaly habardarlyqty arttyruǵa baǵyttalǵan.
Air Astana kompanıyasynyń ornyqty damu máselelerí jóníndegí departamentíníń dırektory Yulıya Lım:
«Bíz seríktesterímíz ben jetkízushílerímízge jauapty jetkízu tízbekterín damytuǵa jáne ornyqty damu qūndylyqtaryn qoldauǵa qosqan úlesí úshín alǵys aıtamyz. Qazír kompanıya satyp alu rásímderíne ESG qaǵıdattaryn engízu boıynsha belsendí jūmys ístep jatyr, būl úderístí barynsha ashyq jáne jauapty etedí».

Bıyl kompanıya 11 seríktesterín marapattady, olardyń íshínde írí halyqaralyq korporatsıyalar, jergílíktí óndírushíler men shaǵyn jáne orta bıznes ókílderí bar. Mańyzdy krıterıılerdíń qatarynda jetkízushílerdíń senímdílígí men ádeptílígí, ESG salasyndaǵy kompanıyanyń korporatıvtík maqsattaryn qoldau, ıkemdílík pen ashyqtyq sıyaqty qasıetter bar.