Qazaqstan Respýblıkasy Prezıdentiniń 2015 jylǵy 29 jeltoqsandaǵy№ 153 Jarlyǵymen bekitilgen Ádep jónindegi ýákil týraly Erejege sáıkes, Ádep jónindegi ýákil – qyzmettik ádep normalarynyń saqtalýyn jáne memlekettik qyzmet, sybaılas jemqorlyqqa qarsy is-qımyl týraly zańnama men Qazaqstan Respýblıkasy memlekettik qyzmetshileriniń ádep kodeksin (budan ári – Ádep kodeksi) buzýshylyqtardyń profılaktıkasyn qamtamasyz etý qyzmetin júzege asyratyn, sondaı-aq óz fýnksıalary sheginde memlekettik qyzmetshiler men azamattarǵa konsýltasıa beretin memlekettik qyzmetshi.
Ádep jónindegi ýákil óz qyzmetinde "Qazaqstan Respýblıkasynyń memlekettik qyzmeti týraly", "Sybaılas jemqorlyqqa qarsy is-qımyl týraly" Qazaqstan Respýblıkasynyń zańdaryn, Ádep kodeksin, osy Erejeni, sondaı-aq Qazaqstan Respýblıkasynyń ózge de zańnamalyq aktilerin basshylyqqa alady.
Qazirgi ýaqytta memlekettik qyzmettiń sapasy men bedeli qoǵamnyń memlekettik bılik ınstıtýttaryna degen senimimen tikeleı baılanysty. Osyǵan oraı memlekettik qyzmetshilerdiń ádep normalaryn saqtaýy mańyzdy talap bolyp tabylady. Memlekettik qyzmet júıesinde atalǵan baǵytty qamtamasyz etý maqsatynda ádep jónindegi ýákil ınstıtýty qurylǵan. Bul ınstıtýt memlekettik apparattaǵy tártip pen mádenıetti nyǵaıtýǵa, sondaı-aq qoǵam tarapynan senimdi arttyrýǵa baǵyttalǵan.
Búgingi tańda Almaty qalasynyń memlekettik organdarynda Ádep jónindegi ýákildiń fýnksıalaryn 33 memlekettik qyzmetshi atqarady:
• 1 — Almaty qalasy ákimi apparatynyń organdarynda Ádep jónindegi ýákildiń derbes laýazymy,
• 22 — aýmaqtyq memlekettik organdarynda,
• 10 — aýdandyq deńgeılerde.
Ádep jónindegi ýákildiń qyzmeti mynadaı negizgi baǵyttardy qamtıdy:
1. Keńes berý jáne túsindirý qyzmeti. Memlekettik qyzmetshilerge ádep normalaryn saqtaý, minez-qulyq standarttaryn durys qoldaný máseleleri boıynsha ádistemelik kómek kórsetedi.
2. Qadaǵalaý jáne monıtorıń. Ádep kodeksiniń talaptaryn saqtaý barysyna baqylaý júrgizedi jáne anyqtalǵan buzýshylyqtar týraly tıisti sharalar qabyldaıdy.
3. Daý-damaılardy retteý. Ujym ishinde týyndaǵan ádepke qatysty máselelerdi qarastyrady, taraptardy kelisimge shaqyryp, beıtarap sheshimder qabyldaýǵa yqpal etedi.
4. Aldyn alý sharalary. Sybaılas jemqorlyq táýekelderin tómendetý, ádepke qaıshy áreketterdiń aldyn alý maqsatynda túsindirý jumystaryn uıymdastyrady.
5. Ujymdyq ahýaldy nyǵaıtý. Memlekettik qyzmetshiler arasynda senimdi qarym-qatynas ornatýǵa, moraldyq-psıhologıalyq jaǵdaıdy jaqsartýǵa jaǵdaı jasaıdy.
Ádep jónindegi ýákildiń qyzmeti memlekettik apparattaǵy tártiptiń nyǵaıýyna jáne memlekettik qyzmetshilerdiń kásibı etıkasynyń joǵarylaýyna yqpal etedi. Onyń qyzmeti nátıjesinde:
- memlekettik qyzmettiń bedeli artady;
- halyqtyń bılik ınstıtýttaryna degen senimi kúsheıedi;
- memlekettik qyzmetshiler arasynda zańdylyq pen ádeptilik prınsıpteri ornyǵady;
- eńbek ujymdarynda jaǵymdy ahýal qalyptasady.
Ádep jónindegi ýákil – memlekettik qyzmet júıesinde mańyzdy ınstıtýt. Ol memlekettik qyzmetshilerdiń ádep normalaryn saqtaýǵa baǵyttalǵan is-sharalardy úılestiredi, zańdylyq pen tártipti qamtamasyz etedi. Osy ınstıtýttyń tıimdi qyzmeti memlekettik apparattyń ımıjin nyǵaıtyp, qoǵamnyń senimin arttyrýǵa múmkindik beredi.
Departamentpen Ádep jónindegi ýákilderdin jumystaryn úılestirý turaqty túrde júrgizýlide.