Sonymen qatar 419 jańa jol belgísí ornatylady, dep habarlaıdy aqshamnews.kz tílshísí.
Qostanaı oblysyndaǵy jergílíktí tūrǵyndardyń aıtuynsha, tasjol sońǵy ret 25 jylǵa juyq uaqyt būryn jóndelgen. Sodan berí joldyń jaǵdaıy nasharlap, kólíkpen qatynau qıyndaǵan. Qazír jaǵdaı ózgerdí. Jańarǵan joldyń sapasyna tūrǵyndar dán rıza. Qalaǵa qatynau jeńíldep, kólík jóndeuge ketetín shyǵyn da azaıǵan.
Joldy jańartu ayasynda Zuev auylynan Dokuchaev auylyna deıíngí 15 shaqyrymdyq uchaske qyrkúıek aıynda paıdalanuǵa beríldí. Mūnda asfalt tóselíp, jol belgílerí men tańbalary jańartyldy.
Sonymen qatar 419 jańa jol belgísí ornatylady. Būdan bólek, meteostantsıyalar men tsıfrlyq tablolar qoıylady. Būl ásírese qysta qar, tūman men kóktaıǵaq jıí bolatyn óńírde qozǵalys qauípsízdígín arttyruǵa múmkíndík beredí.