2025 jyldyń basynan berí 181 myń azamat, onyń íshínde 34,4 myńǵa juyq jūmyssyz Skills Enbek kásíptík oqytu platformasynda (būdan árí - Platforma) onlaın-kurstardan ótkení turaly sertıfıkattar aldy. Platformada barlyǵy 712,5 myń qazaqstandyq tírkelgen, onyń 213,8 myńy – 2025 jyly tírkeldí. Būl rette platforma jūmysynyń barlyq kezeńínde 591,9 myń adam oqudan óttí.
Oqudan ótken 34,4 myń jūmyssyz azamattyń 9,1 myńǵa juyǵy negízínen Aqtóbe, Túrkístan, oblystarynyń, Shymkent jáne Almaty qalalarynyń jastary.
Platforma íske qosylǵannan bastap avtorlar ártúrlí baǵyttar boıynsha 1 000 kurs jarıyalady, onyń 319-y tegín. Sondaı-aq, odan árí oqu úshín bílím beru alańdaryna auysu múmkíndígímen Courstore, Fluent Education jáne Yandeks Qazaqstan seríktesteríníń kurstary bar.
Kurstardyń ūzaqtyǵy 1-den 72 saǵatqa deıín.
Sáuír aıyndaǵy eń kóp sūranysqa ıe kurstar – «Tvoı karernyı start: kak ıspolzovat «Elektronnuyu bırju truda», «Turızm turaly túsíníktí tílmen», «Strahovoı agent», «Motion design» jáne «Prodavets».
Platformada qarjy jáne buhgalterlík esep, auyl sharuashylyǵy jáne t.b. salalardaǵy túrlí mamandyqtar boıynsha tegín kurstar sany únemí artyp keledí.
Būdan būryn habarlaǵandaı, Platforma halyqtyń bílím deńgeıí men kásíbılígín arttyruǵa, mansaptyq damudy yntalandyruǵa jáne «ómír boıy oqytu» tūjyrymdamasyn ílgeríletuge baǵyttalǵan. Ol marketpleıs – qyzmetter naryǵy qaǵıdaty boıynsha onlaın kurstarǵa qol jetkízudí ūsynatyn halyqaralyq oqytu alańdaryna ūqsas qūrylǵan.
Oquǵa https://skills.enbek.kz/ síltemesí arqyly nemese Elektrondyq eńbek bırjasynda (enbek.kz) «Onlaın oqytu» bólímín tańdau arqyly qol jetkízuge bolady.
Platformada bílím alushy oqytudyń qolaıly qarqyny men tílín, materıaldy berudíń yńǵaıly prıntsıpín derbes tańdaıdy, bílím beru úderísíndegí ózíníń ílgeríleuín baqylaı alady.
Bílím alushy úshín artyqshylyqtar: keńeıtílgen kurstardy ízdeu, sabaqtyń túsíníktí qūrylymy, oqu protsesín baqylau jáne kurs avtorlarymen jyldam ózara árekettesu. Paıdalanushylar úshín jasandy ıntellekt kómegímen chat-bot qol jetímdí, ol jyldam ízdeudí jáne qyzyǵushylyq tudyratyn sūraqtarǵa jauap aludy qamtamasyz etedí.
Oqu ayaqtalǵannan keıín bílím alushy 70% shektí deńgeımen testíleu tapsyruǵa tıís. Onlaın kursty sáttí ayaqtaǵan jaǵdaıda daǵdylardy ıgeru turaly sertıfıkat beríledí. Kursty ayaqtaudyń míndettí sharty – bílím alushy tarapynan kursty baǵalau. Sertıfıkatty júkteu kezínde ıgergen daǵdylar boıynsha Enbek.kz-te bos jūmys oryndarynyń ūsynystary qosyldy.
Alynǵan sertıfıkat Enbek.kz-te tírkelgen kezde bílím alushy jasaǵan túıíndemede avtomatty túrde kórsetíledí. Qyzmetkerlerdí ízdeu kezínde áleuettí jūmys berushí Platformada sáttí oqudan keıín alynǵan sertıfıkattardy kóre alady.
Avtorlar men ázírleushílerge arnalǵan platformada onlaın kurstardy ornalastyru tegín. Kurstar memlekettík, orys jáne aǵylshyn tílderínde ornalastyryluy múmkín, aqparat berudíń ártúrlí formattary: mátín, prezentatsıya, beıne jáne audıo materıaldar, ınfografıka jáne basqa túrlerí boluǵa tıís. Platforma erekshe qajettílíkterí bar bílím alushylar úshín ınterfeıstí beıímdeu múmkíndígín boljaıdy.
Kurs avtorlary úshín yńǵaıly sabaq qūrastyrushy, jarıyalanǵan kurstardyń statıstıkasy men tıímdílígín qarauǵa qoljetímdí, sertıfıkattardyń ártúrlí dızaıny kózdelgen, sondaı-aq oqu qūnyn aldyn ala esepteuge arnalǵan onlaın-kalkulyator bar.
2023 jyldyń jeltoqsan aıynan bastap kurstardy Enbek mobıldí qosymshasy arqyly oquǵa bolady, qosymshany Google Play jáne App Store-dan júkteuge bolatynyn esteríńízge salamyz.
Platformada tírkelu jáne jūmys ísteuge qatysty barlyq sūraqtar boıynsha «ERDO» AQ jauapty qyzmetkerlerímen baılanysudy sūraımyz: 8 (7172) 95 43 17 (íshkí. 877, 888).