Oqu-aǵartu mınıstrlígíníń málímetínshe, ótíníshtí OQU ūlttyq bílím beru platformasy, eGov elektrondyq úkímet portaly arqyly nemese bílím beru ūıymyna tíkeleı baryp qaǵaz túrínde tapsyruǵa bolady, – dep habarlaıdy aqshamnews.kz tílshísí.
Mınıstrlík "Keleshek mektepteríne" qabyldau kezínde mekteptíń qyzmet kórsetu aumaǵynda tūratyn balalarǵa basymdyq beríletínín atap óttí. Sonymen qatar ata-analar nemese zańdy ókílder bos oryn bolǵan jaǵdaıda kez kelgen memlekettík mektepke ótínísh bere alady.
Ótínísh beru úshín zańdy ókíldíń tūrǵylyqty jerí boıynsha tūraqty tírkeuí boluy tıís. Tūrǵylyqty mekenjaı memlekettík aqparattyq júıeler arqyly rastalady.
1-synypqa qabyldau úshín qajet qūjattar:
balanyń 3×4 kólemíndegí fotosuretí;
№065/u nysanyndaǵy profılaktıkalyq egu kartasy;
№052-2/u nysanyndaǵy balanyń densaulyq pasporty;
erekshe bílím beru qajettílígí bar balalar úshín psıhologıyalyq-medıtsınalyq-pedagogıkalyq konsultatsıyanyń qorytyndysy.
Mektepaldy dayarlyqtan (0-synyp) ótken balalar 1-synypqa ata-anasynyń nemese zańdy ókílíníń ótíníshí negízínde qabyldanady.
Óńírler boıynsha qūjat qabyldau merzímderí:
27 mamyr – 31 tamyz: Astana qalasy, Jetísu, Qyzylorda, Batys Qazaqstan jáne Abaı oblystary;
10 mausym – 31 tamyz: Almaty qalasy, Aqmola, Aqtóbe, Jambyl jáne Shyǵys Qazaqstan oblystary;
18 mausym – 31 tamyz: Shymkent qalasy, Almaty, Qostanaı, Pavlodar jáne Atyrau oblystary;
29 mausym – 31 tamyz: Túrkístan, Mańǵystau, Qaraǵandy, Soltústík Qazaqstan jáne Ūlytau oblystary.
Mınıstrlík barlyq óńírde qūjat qabyldau ártúrlí kúnderí bastalǵanymen, 2026 jylǵy 31 tamyzǵa deıín jalǵasatynyn málímdedí.