ۇلتتىق ەكونوميكا مينيسترلىگىندە تاريفتىك ساياسات جونىندەگى كەڭەستىڭ وتىرىسى ءوتتى
ۇلتتىق ەكونوميكا ءمينيسترى اسەت ەرعالييەۆتىڭ توراعالىعىمەن ق ر پارلامەنتى سەناتى مەن ءماجىلىسى دەپۋتاتتارىنىڭ، ورتالىق مەملەكەتتىك ورگاندار وكىلدەرىنىڭ، وبلىس اكىمدەرىنىڭ ورىنباسارلارىنىڭ، تابيعي مونوپوليالاردى رەتتەۋ كوميتەتى باسشىلىعىنىڭ، سونداي-اق ۇكىمەتتىك ەمەس ۇيىمداردىڭ قاتىسۋىمەن تاريفتىك ساياسات جونىندەگى كەڭەستىڭ كەزەكتى وتىرىسى ءوتتى، دەپ حابارلادى Almaty-akshamy.kz ق ر ەكونوميكا مينيسترلىگىنىڭ سايتىندا جاريالانعان حابارعا سىلتەمە جاساپ.
«اعىمداعى ەكونوميكالىق جاعدايدى ەسكەرە وتىرىپ، ۇكىمەت كوممۋنالدىق قىزمەتتەر تاريفتەرىنىڭ نەگىزسىز وسۋىنە جول بەرمەۋ بويىنشا شارالار قابىلداۋدا. سونداي-اق تۇتىنۋشىلار مەن تابيعي مونوپوليالار سۋبەكتىلەرى اراسىنداعى مۇددەلەر تەڭگەرىمىن قولداۋ بويىنشا جۇمىستار جۇرگىزىلۋدە»، - دەدى اسەت ەرعالييەۆ.
تابيعي مونوپوليالاردى رەتتەۋ كوميتەتىنىڭ 2020 جىلعى قىزمەتىنىڭ قورىتىندىلارى جانە اعىمداعى جىلعا ارنالعان مىندەتتەر تۋرالى ۆەدومستۆو ءتوراعاسى اسان داربايەۆ ايتتى.
مەملەكەت باسشىسىنىڭ تاريفتىك ساياساتقا قاتىستى تاپسىرمالارىن ورىنداۋ شەڭبەرىندە تمس قىزمەتىنە باقىلاۋ كۇشەيتىلدى، تمس ساتىپ الۋىنا تالداۋ جۇرگىزىلدى، تاريف بەلگىلەۋدىڭ جانە حالىقپەن كەرى بايلانىستىڭ اشىقتىعى قامتاماسىز ەتىلدى، تكش كوممۋنالدىق قىزمەتتەرىنە نەگىزدەلگەن تاريفتەر قامتاماسىز ەتىلدى.
«2021 جىلى كوممۋنالدىق قىزمەتتەرگە تاريفتەردىڭ نەگىزسىز وسۋىنە جول بەرمەۋ جانە قازاقستان رەسپۋبليكاسى ۇكىمەتىنىڭ جانىنداعى ەكونوميكالىق ساياسات جونىندەگى كەڭەس بەكىتكەن رەتتەلەتىن تابيعي مونوپوليالار سۋبەكتىلەردىڭ قىزمەتتەر تاريفتەرىنەن ينفلياسياعا سالىم ءدالىزىن ساقتاۋ بويىنشا جۇمىستى جالعاستىرۋ جوسپارلانۋدا»، - دەدى اسان داربايەۆ.
بۇدان باسقا، 17 وڭىرلىك كوميسسيانىڭ قۇرامى كەڭەيتىلدى، تاريف بەلگىلەۋ ماسەلەلەرىن قاراۋعا كوپ ادامداردى تارتۋ ماقساتىندا قوعامدىق بىرلەستىكتەردىڭ وكىلدەرى قوسىلدى. بۇگىندە وڭىرلىك كوميسسيالاردىڭ قۇرامىنا وبلىستىق ءماسليحاتتىڭ دەپۋتاتتارى، جەرگىلىكتى اتقارۋشى ورگانداردىڭ وكىلدەرى، «اتامەكەن» ق ر ۇكپ، ۇەۇ، جەكە كاسىپكەرلىك سۋبەكتىلەرى بىرلەستىكتەرىنىڭ، تابيعي مونوپوليالار سۋبەكتىلەرىنىڭ وكىلدەرى جانە ساراپشىلار كىرەدى.
كەڭەس وتىرىسىنىڭ قورىتىندىسى بويىنشا اسەت ەرعالييەۆ تاريفتەردىڭ نەگىزسىز وسۋىنە جول بەرمەۋ، مونوپوليستەردىڭ قاراجاتتى ماقساتتى پايدالانۋىنا باقىلاۋدى قامتاماسىز ەتۋ، تۇتىنۋشىلاردىڭ قۇقىقتارىن قورعاۋ جانە كوميتەت الدىنا قويىلعان مىندەتتەردى ساپالى ورىنداۋ بويىنشا تاپسىرمالار بەردى.