توقايەۆ العاشقى اەس-تىڭ اتاۋى ءۇشىن حالىق اراسىندا بايقاۋ جاريالاۋدى ۇسىندى، دەپ حابارلايدى aqshamnews.kz
«روساتوم» كومپانياسىمەن بىرگە سالىناتىن العاشقى اتوم ەلەكتر ستانساسى ستراتەگيالىق ماڭىزعا يە. بىرەر كۇن بۇرىن ونىڭ قۇرىلىسى رەسمي تۇردە باستالدى. اەس ەنەرگەتيكا نىسانى عانا ەمەس، عىلىمي-تەحنيكالىق پروگرەستىڭ جارقىن سيمۆولى بولۋعا ءتيىس. ازىرگە ونىڭ اتاۋى جوق. بۇل ەلىمىزدەگى تۇڭعىش ستانسا بولعاندىقتان، حالىق اراسىندا ۇزدىك اتاۋ جونىندە بايقاۋ جاريالاۋعا بولادى دەپ سانايمىن. وسى سايىسقا قاتىسىپ، شىعارماشىلىق قارىمدارىڭىزدى كورسەتۋگە شاقىرامىن. بالكىم، شەشىم قابىلداعان كەزدە سىزدەردىڭ دە ۇسىنىستارىڭىزعا سۇيەنەرمىز"، – دەدى پرەزيدەنت بۇگىن اقوردادا حالىقارالىق ءپان وليمپيادالارى جەڭىمپازدارىمەن جانە جۇلدەگەرلەرىمەن كەزدەسۋدە.
ايتا كەتەرى، ەلىمىزدەگى العاشقى اەس-تى رەسەيلىك «روساتوم» كومپانياسى سالادى. ەنەرگەتيكا نىسانى الماتى وبلىسىنىڭ ۇلكەن اۋىلىندا بوي كوتەرەدى. ال ەكىنشى جانە ءۇشىنشى اەس-تىڭ قۇرىلىسىمەن جۇڭگو كومپانياسى اينالىسادى دەپ جوسپارلانىپ وتىر.