سپورتشىنىڭ باتىلدىعىنا ءتانتى بولعاندار كوپ
31 جاستاعى الماز سمايىلقۇلوۆ ۇلكەن الماتى وزەنىندە ۆەيكبوردپەن ءتۇرلى تريۋكتەر جاساپ، الەۋمەتتىك جەلى قولدانۋشىلارىن تاڭعالدىردى، دەپ حابارلايدى Almaty-akshamy.kz
ۆەيكبوردينگ – سۋ شاڭعىسى، سەرفينگ جانە سنوۋبورد ەلەمەنتتەرىن قامتيتىن ەكسترەمالدى سپورت ءتۇرى
«جىگىتتەر، ۆيدەو – بومبا. ەكەۋى دە كەرەمەت!»، «تاڭعالىپ تۇرمىن، عاجاپ!»، «سەن مىقتى جىگىتسىڭ، ساعان ميلليون لايك!» دەپ جەلى قولدانۋشىلارى سپورتشىعا ءتانتى بولعانىن ءبىلدىرىپ جاتىر.
الماز سمايىلقۇلوۆتىڭ ايتۋىنشا، سۋ بەتىندەگى تريۋكتەر سپورتتى تانىمال ەتۋ ماقساتىندا جاسالعان.
«روليكتى ءتۇسىرۋ ءۇشىن الدىمەن قالا اكىمدىگىنەن رەسمي تۇردە رۇقسات سۇرادىق. ادام ومىردە ءوز قورقىنىشىن جەڭە ءبىلۋى كەرەك. ءبىراق ۆەيكبورد – ءقاۋىپسىز سپورت. سۋ بەتىندەگى تريۋكتەر سپورتتى تانىمال ەتۋ ماقساتىندا جاسالدى. مەن ءتۇسىرىلىم بارىسىندا قاۋىپسىزدىك كيىمىن كيىپ الدىم. تريۋكتەردى اۋەسقويلار قايتالاماعانى دۇرىس. ۆيدەونى تانىمال ۆيدەوگراف ءتۇسىردى»،– دەيدى سپورتشى.