ۇكىمەت ارقالىقتىڭ جىلۋ جەلىلەرىن رەكونسترۋكسيالاۋ مەن جاڭعىرتۋعا قاراجات ءبولدى، - دەپ حابارلايدى aqshamnews.kz.
مەملەكەت باسشىسى قاسىم-جومارت توقايەۆتىڭ ينفراقۇرىلىمدىق دامۋدىڭ جاڭا دەڭگەيىنە كوشۋ جونىندەگى تاپسىرمالارىن ىسكە اسىرۋ شەڭبەرىندە ۇكىمەت وڭىرلەردەگى جىلۋ جەلىلەرىن رەكونسترۋكسيالاۋدى جالعاستىرۋدا.
قوستاناي وبلىسى ارقالىق قالاسىنىڭ جىلۋ جەلىلەرىندە جوندەۋ جۇمىستارىن اياقتاۋ ءۇشىن ۇكىمەت رەزەرۆىنەن شامامەن 250 ملن تەڭگە ءبولىندى. ءتيىستى قاۋلىعا پرەمەر-مينيستر ولجاس بەكتەنوۆ قول قويدى.
ارقالىق جەو 375 عيماراتقا قىزمەت كورسەتەدى جانە كوممۋنيكاسيالاردىڭ جوعارى توزۋىنا بايلانىستى قىزىل ايماقتاعى جىلۋ كوزدەرىنىڭ تىزىمىنە كىرەدى.
قالانىڭ جىلۋ جەلىلەرىنىڭ ۇزىندىعى 34،7 شاقىرىمدى قۇرايدى، ونىڭ كوپ بولىگى 1990 جىلى پايدالانۋعا بەرىلگەن. بۇگىنگى تاڭدا توزۋ 48%-دى قۇرايدى، كەيبىر ۋچاسكەلەردە 82%-عا دەيىن جەتكەن، بۇل جىلىتۋ ماۋسىمىندا جىلۋ ەنەرگياسىنىڭ 24-29%-عا دەيىن بولماۋىنا اكەلەدى.
2023 جىلدان باستاپ قالادا جىلۋ كوزدەرىن جاڭعىرتۋ بويىنشا جوبانىڭ ەكىنشى كەزەڭى جۇزەگە اسىرىلۋدا. بۇگىنگى تاڭدا 17 شاقىرىم جىلۋ جەلىلەرى اۋىستىرىلدى. 2025 جىلى تاعى 9،9 شاقىرىم جاڭارتۋ جوسپارلانۋدا. جۇمىستار كەزەڭ كەزەڭمەن جۇرگىزىلۋدە. جوبا اياقتالعاننان كەيىن جالپى توزۋ 12%-عا تومەندەيدى دەپ كۇتىلۋدە.
جۇرگىزىلىپ جاتقان جاڭعىرتۋ جۇمىستارى جىلىتۋ ماۋسىمىنىڭ قالىپتى ءوتۋىن جانە حالىق سانى 38،4 مىڭ ادامدى قۇرايتىن ارقالىق قالاسىنىڭ تىرشىلىكتى قامتاماسىز ەتۋ جۇيەلەرىنىڭ تۇراقتى جۇمىس ىستەۋى ءۇشىن ماڭىزدى مانگە يە.
ەستەرىڭىزگە سالا كەتەيىك، سوڭعى جىلدارى ارقالىق قالاسى الەۋمەتتىك-ەكونوميكالىق دامۋدىڭ نەگىزگى باعىتتارىندا وڭ ديناميكانى كورسەتىپ وتىر. شاعىن جانە ورتا بيزنەس جاندانىپ، حالىق سانى وسۋدە، ءبىلىم بەرۋ، دەنساۋلىق ساقتاۋ جانە الەۋمەتتىك سالاداعى جاعدايلاردى جاقسارتۋ بويىنشا ءبىرقاتار شارا قابىلدانۋدا.
2024-2025 جىلىتۋ كەزەڭىنە دايىندىق شەڭبەرىندە جابدىقتارعا، جىلۋ جانە ەلەكتر بەرۋ جەلىلەرىنە كۇردەلى جوندەۋ جۇرگىزىلدى. وڭىردە توزۋدى ودان ءارى ازايتۋ ءۇشىن وسى جىلى جالپى ۇزىندىعى 27،9 شاقىرىم جىلۋ تراسساسىن قايتا جاڭارتۋ بويىنشا 22 جوبا جۇزەگە اسىرىلۋدا.
وسى ايدا ارقالىق قالاسىندا ستراتەگيالىق ماڭىزدى «ورتالىق – باتىس» اۆتوجول ءدالىزىنىڭ قۇرىلىسى باستالدى.
جوبا پرەزيدەنت قاسىم-جومارت توقايەۆتىڭ ۇلتتىق قۇرىلتايدىڭ IV وتىرىسىندا ايتىلعان تاپسىرماسىن ورىنداۋ شەڭبەرىندە جۇزەگە اسىرىلۋدا جانە ۇكىمەتتىڭ ەلىمىزدىڭ كولىك ينفراقۇرىلىمى مەن ترانزيتتىك الەۋەتىن دامىتۋ جونىندەگى جوسپارلارىنا كىرەدى.
ۇزىندىعى 865 شاقىرىم بولاتىن جاڭا مارشرۋت ەلدىڭ ورتالىعى مەن باتىسى اراسىنداعى تىكەلەي بايلانىستى قامتاماسىز ەتەدى جانە ترانسكاسپيي حالىقارالىق كولىك باعىتىنا شىعۋدى قامتاماسىز ەتەدى. «استانا – جانتەكە – ەگىندىكول – ارقالىق – تورعاي - ىرعىز» اۆتوجولى استانا مەن ىرعىز اۋىلى اراسىنداعى قاشىقتىقتى 573 شاقىرىم قىسقارتۋعا مۇمكىندىك بەرەدى جانە ىرگەلەس اۋماقتاردىڭ ەكونوميكالىق دامۋىنا ءارى جەرگىلىكتى حالىقتىڭ تۇرمىس جاعدايىن جاقسارتۋعا ايتارلىقتاي سەرپىن بەرەدى.
لوگيستيكالىق جەلىنى قۇرۋ ايماقتىڭ، اسىرەسە ونىڭ وڭتۇستىك اۋداندارىنىڭ جانە جالپى ەلدىڭ دامۋى ءۇشىن ماڭىزدى فاكتور بولادى.
سونداي-اق «جاسىل» ەنەرگەتيكانى دامىتۋ جانە قالا اۋەجايىن قالپىنا كەلتىرۋ جوبالارى ماڭىزدى بولادى.