پاتەردىڭ جايلى بولۋىنا كۇردەلى جوندەۋدىڭ قاتىسى جوق
جۇرگىزىلگەن زاماناۋي كۇردەلى جوندەۋ دە، جاڭا جيھاز دا ۇيىڭىزگە اركەز جايلىلىق سىيلاي بەرمەيدى. «ليزا» باسىلىمى باسپاناڭىزدا ۇنەمى جايلىلىق ورناۋ ءۇشىن نە ىستەۋ كەرەكتىگىن جازدى، دەپ حابارلايدى Almaty-akshamy.kz.
كوپتەن ارمانداعان باسپاناڭىزعا قول جەتكىزگەن سوڭ ونىڭ جايلى ءارى اتموسفەراسى جاقسى بولۋىن ۇنەمى نازاردا ۇستاڭىز. ۇيدەگى جايسىزدىقتى تۋدىراتىن مىناداي بىرنەشە سەبەپتەرگە نازار اۋدارىڭىز.
1. بوس كەڭىستىكتى سەزىنۋ.
بۇنىڭ بولمەنىڭ اۋماعىنا ەش قاتىسى جوق. كەڭ اپارتامەنتتەردە دە، ءزاۋلىم سارايداي كەڭ ۇيلەردە دە مۇندايدى سەزىنەسىز. نەلىكتەن؟ ارينە، ينتەرەرلەردىڭ دۇرىس ورنالاسپاۋىنان. جيھازداردى قابىرعا بويىنا ورناتىپ، بولمە ورتاسىن بوس قالدىرۋ قالىپقا اينالعان. بۇل پاتەردەگى جايلىلىققا كەدەرگى كەلتىرەدى. ونى تۇزەتۋ ءۇشىن ورتاعا ءتۇرلى دەكورلارمەن ۇستەل قويعان دۇرىس بولادى.
دەمالۋ ورنى جەتىسپەي مە؟ باسپانا – بۇل وتباسى مۇشەلەرىنىڭ رۋحاني ءارى فيزيكالىق تۇرعىدا دەمالاتىن ورنى. ىڭعايلى اۋماق جەتىسپەيتىن پاتەرلەر ۇنەمى جايسىزدىق تۋعىزادى. جۇمساق كرەسلو، پلەد جانە اياق استىنا ارنالعان پۋفيت ساتىپ الىپ، ەرەكشەلىگىن بىردەن سەزىنىڭىز.
بوس قابىرعالار. ءقازىر بۇرىنعىداي قابىرعالارعا كىلەمدەر ىلىنبەيدى. ءبىراق ماماندار بوس قابىرعالار وتە كوڭىلسىز ءارى ۇسقىنسىز كورىنەتىنىن ايتادى. قابىرعالاردى ينتەرەر كارتينالارمەن نەمەسە ءتۇرلى سەرگىتەتىن فرازالار بار پوستەرلەرمەن اسەمدەپ قويۋعا بولادى.
2. ينتەرەردە وزىندىك «ەرەكشەلىك» جوق.
كوڭىلسىز ءتۇس پاليتراسى، مينيماليزم، ءمىنسىز ءتارتىپ – مۇنىڭ بارلىعى ينتەرەر ديزاينىنداعى زاماناۋي ترەندتەرگە سايكەس كەلەدى. الايدا ءوز ۇيىڭىزگە ەرەكشەلىك بەرۋ ءۇشىن جارقىن تۇستەردى دە قولدانۋىڭىزعا ابدەن بولادى. ول ەرەكشە پىشىندەگى ۆازا نەمەسە اناناس سۋرەتتەرى بار ديۆان جاستىقتارى بولۋى مۇمكىن.
3. جارىقتىڭ دۇرىس ورنالاسپاۋى: جارىقتىڭ بولماۋى نە وتە كوپ جارىق.
كۇندىزگى جارىقتىڭ ازايۋىنا وراي جاساندى جارىقتاندىرۋدىڭ ۇيدەگى جالپى اتموسفەراعا قاتتى اسەرى بار. ءبىر قىزىعى، جارىقتىڭ جەتىسپەۋى دە، ارتىق بولۋى دا جايلىلىققا تەرىس اسەر ەتەدى. ديزاينەرلەر پاتەردە بىرنەشە جارىق كوزدەرىن ورناتۋدى ۇسىنادى.
4. پاتەردەگى جايسىز تەمپەراتۋرا.
سۋىق پاتەردە جايلىلىقتىڭ بولماۋى بەلگىلى. ەگەر ورتالىق جىلىتۋ جۇيەسى بۇل ماسەلەنى شەشپەسە، وندا قوسىمشا جىلۋ كوزدەرىن پايدالانعان ءجون.
5. ۇيدەگى تازالىق.
ۇيدەگى جايلىلىق جانە ءۇيدىڭ ۇنەمى شاشىلىپ جاتۋى بىر-بىرىمەن ۇيلەسپەيدى. ەڭ الدىمەن ەشكىم پايدالانبايتىن قوقىس پەن ەسكى زاتتاردان قۇتىلۋ كەرەك. اركەز ءۇيدى تازا ۇستاپ، جيناپ ءجۇرىڭىز.