بۇل تۋرالى قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ پروفەسسورى مۇحتار قوجا ءوزىنىڭ Facebook-تەگى پاراقشاسىندا جازدى، دەپ حابارلايدى almaty-akshamy.kz
«جاقىن ارادا "تۇركىستان وبلىسىنىڭ كۇن قاقتاعان دالاسىندا كونە تۇركى ءداۋىرىنىڭ ءمۇسىنى جاتىر" دەگەن حابارمەن قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ ارحەولوگيا عىلىمي زەرتتەۋ ينستيتۋتى قىزمەتكەرلەرى شۇعىل ساپارعا شىعىپ، كونە جادىگەردى كورۋگە اسىقتى... تۇركى داۋىرىنە جاتاتىن تاس ءمۇسىن بەينەسى ەرەكشە ەكەن. ءبىر قاراعاندا ەرەكشە باس كيىمى بار ءمۇسىن «كونە تۇركىلەردىڭ قۇدايى ۇماي انانى، نە بايىرعى باقسىنى - ءدىني قىزمەتكەرىن بەينەلەپ تۇر ما» دەگەن بولجامدار ايتىپ جاتىرمىز. زەرتتەۋ جۇمىستارىن جۇرگىزىپ، ناتيجەسىن جاريالايمىز. مۇنداي ەسكەرتكىشتى جانە ونىڭ باستاپقىدا تابىلعان جەرىن كورسەتكەن ازاماتقا - ساپاربەك اسقاربەكۇلىنا ەرەكشە ريزامىز، العىسىمىزدى بىلدىرەمىز»، - دەپ جازدى مۇحتار قوجا Facebook-تەگى پاراقشاسىندا.
