ترەدس جەلىسى بۇگىندە قوعامدا بەلسەندى پلاتفورماعا اينالدى. وندا ەلىمىزدە بولىپ جاتقان كەيىنگى جاڭالىقتاردىڭ ءبىرشاما لەگى ءجيى تالقىلانىپ جاتادى. سونىمەن وتكەن اپتادا ەل اۋزىندا نە ايتىلدى؟ اqshamnews.kz ءتىلشىسى جيناقتاپ كوردى.
600 مىڭ تەڭگەلىك تورتتىڭ جىرى
كونديتەر نۇرشات اقبەرگەنوۆا 18 كەلى مەرەكەلىك تورتقا 440 مىڭ تەڭگە شىعىندالىپ، ەڭبەكاقى الا الماعانىن ايتىپ ترەدستە شاعىمىن جازدى. ونىڭ سوزىنشە، تاپسىرىس بەرۋشى - بلوگەر اسەلينا باتىر تورتتى الىپ كەتكەنىمەن ءبىر اپتا وتسە دە، تولەم جاساماعان جانە كەيىن الەۋمەتتىك جەلىدە ونى بۇعاتتاپ تاستاعان.
ال اسەلينا ءوز كەزەگىندە 100 مىڭ تەڭگەسىن تولەگەنىن، ءبىراق تورتتىڭ باعاسى الدىن الا كەلىسىلمەگەنىن، كەيىن 600 مىڭ تەڭگە كولەمىندەگى شوت كەلگەنىن العا تارتىپ، مۇنى دۇرىس ەمەس دەپ باعالادى. ءقازىر ەكى تاراپ الەۋمەتتىك جەلىدە ءوز ۇستانىمدارىن جاريالاپ، قوعامدا قىزۋ تالقىلانىپ جاتىر. كەيىن كونديتەر بلوگەردى سوتقا بەردى.
فاريزا تورەالى جۇرتقا نەگە جاقپاي قالدى؟
بەلگىلى ءانشى تورەعاليدىڭ قارىنداسى، بلوگەر فاريزا تورەالى اۆتورلىق كىتابىن شىعارامىن دەپ باسى داۋعا قالدى. ماسەلەنىڭ ءبارى كىتاپتىڭ باعاسىنا كەلىپ تىرەلدى. ول ءوزىنىڭ ەڭبەگىن 10 مىڭ تەڭگەدەن ساۋدالادى. ال جۇرت ونىڭ بۇل شەشىمىنە كەلىسپەي، "كىتاپ ءۇشىن تىم قىمبات باعا" دەپ، جەردەن الىپ، جەرگە سالدى. ءتىپتى كەيبىرى كوركەم ادەبي شىعارمالارمەن سالىستىرىپ، باعاسىنىڭ ودان قىمبباتتىعىن ايتىپ، سىناپ تاستادى.
سونداي-اق بلوگەردىڭ ءبىلىم دەڭگەيى مەن تاجىريبەسىن ءسوز ەتكەندەر، “فاريزا كىتاپ جازاتىنداي ارنايى ءبىلىمى جوق، مەكتەپتەن كەيىن بىردەن تۇرمىس قۇردى، باكالاۆر دا بىتىرمەدى، امەريكادا جۇرگەندە دە تەك برەندتەردى ناسيحاتتادى” دەپ ايىپتاپ، كىتاپ جازۋىن ورىنسىز دەپ سانادى.
"قايراتتاي ۇلدىڭ اناسى" بايلىقتىڭ ءيىسىن ساتىپ جاتىر
قايرات نۇرتاستىڭ اناسى، پروديۋسەر گۇلزيرا ايداربەكوۆا جەكە بيزنەسىن باستاپ، شاش كۇتىمىنە ارنالعان سۋسابىن شىعاراتىنىن جاريالادى. ول بۇرىن قولدانىپ جۇرگەن ونىمدەردىڭ كوڭىلىنەن شىقپاعانىن ايتىپ، جاڭا سۋسابىندى قازاقستانداعى “№1 ءونىم” دەپ تانىستىردى. ءوز سوزىندە بۇل تاۋارعا ءوزىنىڭ ەنەرگياسى مەن “بايلىقتىڭ ءيىسىن” سىڭدىرگەنىن، قايرات نۇرتاس سياقتى ۇلدى دۇنيەگە اكەلگەن التىن قۇرساقتى انانىڭ ەڭبەگىمەن بايلانىستىرىپ، جوعارى قۇندىلىققا يە ەكەنىن ەرەكشە اتاپ ءوتتى.
الايدا جۇرت ونىڭ سۋسابىندى وسىلاي دارىپتەپ، ارتىق جارنامالاۋىن جاقتىرماي قالدى. ايداربەكوۆانىڭ بۇل ارەكەتى ترەدستە تۇرلىشە ازىلگە اينالىپ، ەلدىڭ سىنىنا قالدى.
اڭداماي سويلەگەن ايسۇلتان
تانىمال سەناريست ايسۇلتان قالييەۆتىڭ دە باسى داۋعا قالدى. ول ترەدستە "زينانى توقتاتپاساق، ەرتەڭ وننان توعىزى دسپ تۋادى. سودان ءبىلىم دە جوق، دەنساۋلىق تا جوق، اسكەر دە جوق، بوق تا جوق" دەپ جازىپ، ەرەكشە بالالاردىڭ اتا-اناسىنىڭ شامىنا ءتيدى.
كەيىن ول ايتقان پىكىرىن ءتارجىمالاۋعا تىرىسقانىمەن، روزا كوۋچ سىندى بەلسەندى بلوگەرلەر دە ونىڭ ويىمەن كەلىسپەيتىنىن ايتىپ، ءتىپتى كەيبىرى سوتقا بەرەتىندەرىن جازدى.
