پرەزيدەنت قاسىم-جومارت توقايەۆ رەسەي پرەزيدەنتى ۆلاديمير پۋتينمەن تەلەفون ارقىلى سويلەستى، - دەپ حابارلايدى اqshamnews.kz.
مەملەكەت باسشىسى ارىپتەسىن اقش پرەزيدەنتى دونالد ترامپپەن انكوريدجدە وتكەن كەزدەسۋ قورىتىندىسىمەن قۇتتىقتادى.
پرەزيدەنتتىڭ پىكىرىنشە، كەلىسسوزدەر رەسەيدىڭ ۋكراينا جونىندەگى ۇستانىمىن امەريكالىق تاراپتىڭ جاقسى تۇسىنۋىنە سەپتىگىن تيگىزدى. بۇل كۇردەلى ماسەلەنىڭ شەشىمىن ىزدەۋدە ورتاق ءتىل تابىسۋعا كومەكتەسەدى.
قاسىم-جومارت توقايەۆ الياسكاداعى ءسامميتتى رەسەيدىڭ حالىقارالىق پوزيسياسىن جانە الەمدىك ارەناداعى ءوزارا تۇسىنىستىكتى نىعايتۋ تۇرعىسىنان ايتۋلى كەزدەسۋ بولدى دەپ سانايدى.
مەملەكەت باسشىسى ساپاردىڭ ءساتتى ۇيىمداستىرىلعانىن اتاپ ءوتتى. قازىرگىدەي كۇردەلى جاعدايدا مۇنىڭ ساياسي ءمانى زور.
ۆلاديمير پۋتين ءوز تاراپىنان ارىپتەسىنە الياسكادا وتكەن كەلىسسوزدىڭ كەيبىر ناقتى اسپەكتىلەرى تۋرالى مالىمەت بەردى.
اڭگىمەلەسۋ سوڭىندا قازاقستان پرەزيدەنتى رەسەي پرەزيدەنتىنە ەنەرگەتيكا سالاسىنداعى كونسترۋكتيۆ ىنتىماقتاستىق ءۇشىن ريزاشىلىق ءبىلدىردى.