الەمدەگى ەڭ مىقتى ءتولقۇجات كىمدىكى؟
Henley Passport Index رەيتينگىندە الەمدەگى «مىقتى» ءتولقۇجاتتار ءتىزىمى جاريالاندى. «مىقتىلىق» سول ەل ازاماتتارىنىڭ قانشا مەملەكەتكە ۆيزاسىز بارا الاتىنىمەن ولشەنەدى.
سونىمەن كوش باسىندا:
سينگاپۋر – 193 ەل
وڭتۇستىك كورەيا – 190 ەل
جاپونيا – 189 ەل
گەرمانيا مەن فرانسيا – 187 ەل
اقش – 12-ورىندا (180 ەل)
ۇلىبريتانيا – 8-ورىندا
جۇڭگو – 64-ورىندا
قازاقستان – 67-ورىندا. ياعني، ءبىزدىڭ ءتولقۇجات يەلەرى 78 ەلگە ۆيزاسىز بارا الادى.
سالىستىرمالى تۇردە الساق، مىسالى:
بەلارۋس ازاماتتارى 80 ەلگە،
وزبەكستان ازاماتتارى 61،
قىرعىزستان ازاماتتارى 62 ەلگە ۆيزاسىز كىرە الادى ەكەن.
اqshamnews.kz ءتىلشىسى الەمدەگى قۇجاتتارعا قاتىستى رەيتينگتى ساراپتاپ كوردى.
ەڭ ارزان ءتولقۇجات قاي ەلدىكى؟
ەڭ ارزان ءتولقۇجات ادەتتە ينۆەستيسيا قۇيعاندارعا بەرىلەدى، ونداي ەلدەردىڭ قاتارىندا ۆانۋاتۋ مەن انتيگۋا جانە باربۋدا مەملەكەتتەرى بار. ۆانۋاتۋ ازاماتتىعىن الۋ ءۇشىن مەملەكەتتىك قورعا قايتارىمسىز 130 000 اقش دوللارىنان باستاپ قارجى قۇيۋ قاجەت، ال انتيگۋا مەن باربۋدادا ەڭ تومەنگى جارنا 100 000 دوللاردان باستالادى.
ۆانۋاتۋ ازاماتتىعىن الۋ شارتى:
ۇلتتىق دامۋ قورىنا 130 000 دوللاردان باستاپ قايتارىمسىز جارنا سالۋ.
مەرزىمى: 2 ايدان باستاپ.
قوسىمشا مالىمەت: بۇل ەلدىڭ ازاماتتىعىنا جاقىن تۋىستار دا ءوتىنىش بەرە الادى، ءبىراق جارنا سوماسى كوبەيەدى، قۇجاتتى ونلاين راسىمدەۋگە بولادى.
انتيگۋا جانە باربۋدا ازاماتتىعىن الۋ شارتى:
ۇلتتىق دامۋ قورىنا 100 000 دوللاردان باستاپ قايتارىمسىز جارنا سالۋ.
بالاما رەتىندە: 200 000 دوللاردان باستاپ جىلجىمايتىن مۇلىككە ينۆەستيسيا سالۋعا بولادى.
مەرزىمى: ادەتتە 3–4 اي.
باسقا دا قولجەتىمدى قۇجاتتار
سەنت-ليۋسيا ازاماتتىعىن الۋ ءۇشىن:
ەكى ادامنان تۇراتىن وتباسى 100 000 دوللار،
ءتورت ادامى بار وتباسى 190 000 دوللاردان باستاپ قايتارىمسىز جارنا سالۋى كەرەك.
دومينيكا ەلىنىڭ ءتولقۇجاتىنا قول جەتكىزۋگە دە مەملەكەتتىك قورعا 100 000 –200 000 دوللار ارالىعىندا قايتارىمسىز جارنا تولەۋ جەتكىلىكتى.
سەنت-كيتس جانە نيەۆيس ازاماتتىعىن الۋ ءۇشىن 250 000 دوللار كولەمىندە قايتارىمسىز جارنا نەمەسە جىلجىمايتىن مۇلىككە 325 000 دوللاردان جوعارى ينۆەستيسيا سالۋ كەرەك.
الەمدەگى ەڭ قىمبات ءتولقۇجات
قۇنى 412 اۆستراليالىق دوللار تۇراتىن اۆستراليانىڭ ءتولقۇجاتى، ارنايى پاسپورت باعاسىنىڭ يندەكسى بويىنشا ەسەپتەلەتىن بۇل كورسەتكىشتىڭ 2025 جىلعى ءتىزىمىنىڭ باسىندا تۇر.
ءباا (بىرىككەن اراب امىرلىكتەرى):
ىقتيارحات الۋ ءۇشىن «التىن ۆيزانىڭ» قۇنى 550 000 دوللار تۇرادى، ءبىراق بۇل ازاماتتىق ەمەس. وسى قۇجات ارقىلى 18 ەلگە ۆيزاسىز كىرۋگە مۇمكىندىك بەرەدى.
ينۆەستيسيالىق باعدارلامالار:
تۇركيا، ەگيپەت جانە كاريب ەلدەرىندەگى ينۆەستيسيا قۇيۋ ارقىلى ازاماتتىق الۋدىڭ باعاسى قىمبات بولعانىمەن، ولاردىڭ ءتولقۇجاتتارى الەم بويىنشا ەڭ «مىقتىلاردىڭ» قاتارىنا كىرمەيدى. ءتولقۇجاتتىڭ قۇنى ونىڭ «مىقتىلىعىنا» (ۆيزاسىز بارا الاتىن ەلدىڭ سانىنا) بايلانىستى ەمەس.
مىسالى، سينگاپۋر، جاپونيا جانە ءبىرقاتار ەۋروپالىق ەلدەردىڭ ءتولقۇجاتتارى ەڭ «مىقتى» سانالسا دا، ولاردىڭ باعاسى اسا قىمبات ەمەس.
الەمدەگى ەڭ ادەمى ءتولقۇجات
كوپ مەملەكەت ءتولقۇجاتتى رەسمي، قاراپايىم ستيلدە بەزەندىرەدى. كەيبىر مەملەكەتتەر ءتولقۇجاتتىڭ سىرتقى تۇرىنە ۇلتتىق ەرەكشەلىگىن، مادەنيەتىن، تابيعاتىن ەنگىزۋدى ءجون كورەدى. سول سەبەپتى قۇجاتتىڭ مۇقاباسىن اشىق ءتۇستى ەتىپ، ىشكى بەتتەرىن ءتۇرلى سۋرەتتەرمەن بەزەندىرىپ، ناعىز ونەر تۋىندىسىنا اينالدىرعان.
نورۆەگيا
بۇل ەلدە ءتولقۇجاتتىڭ مۇقاباسى ءۇش ءتۇستى:
قىزىل – سول مەملەكەتتىڭ ازاماتتارىنا، كوگىلدىر – ديپلوماتتارعا، اق –يمميگرانتتارعا ارنالعان.
مۇقابانىڭ سول جاعىندا ەلدىڭ ەلتاڭباسى، تومەندە ەلدىڭ اتاۋى مەن قۇجات ءتۇرى جازىلعان. ال ىشكى بەتتەرىنە ديزاينەرلەر نورۆەگ ورمانىن، وزەن، تاۋلارىن بەينەلەگەن.
فينليانديا
قويۋ قىزىل ءتۇستى مۇقابادا التىن ارىپتەرمەن جازىلعان ەل اتاۋى مەن قار بۇرشىگى پىشىنىندەگى ورنەك بار. ىشكى بەتتەرىندە ساانا تاۋى مەن لاپلانديانىڭ تابيعاتى بەينەلەنگەن. ءار بەتتىڭ تومەنگى بولىگىندە بۇعىنىڭ سۋرەتى بار، ءتولقۇجاتتى تەز پاراقتاعان كەزدە بۇعى جۇگىرىپ بارا جاتقانداي اسەر بەرەدى. ءبىرىنشى بەتكە فين اقىنى ەينو لەينونىڭ ولەڭى باسىلعان.
شۆەيساريا
مۇقاباسىنىڭ جوعارعى بولىگىندە ءتورت تىلدە قۇجاتتىڭ اتاۋى جازىلىپ، ءسال تومەنىرەك ەلدىڭ تۋى بەينەلەنگەن. تۇتاس مۇقابا ۇساق بەدەرلى كرەستتەرمەن كومكەرىلگەن. ىشكى بەتتەرىندە ەلدەگى ءار ايماقتىڭ باستى نىشاندارى مەن كورىكتى جەرلەرى بەينەلەنگەن.
شۆەسيا
باسقا دا ەۋرووداق ەلدەرىءنىڭ ءتولقۇجاتى سەكىلدى كۇرەڭ قىزىل ءتۇستى مۇقاباسىندا ەلتەڭبا بەينەلەنگەن. ءىشكءى بەتتەرىندە قالالار مەن تابيعات كورىنىستەرءى سالىنعان.
ۇلىبريتانيا
قاراكوك ءتۇستى مۇقابادا ەلدىڭ ەلتاڭباسى – ارىستان مەن جالعىزءمۇيىزدىءنىڭ بەينەسى بار. مۇقابانىڭ سىرتقى جاعىندا ۇلىبريتانيانىڭ انگليا، ۋەلس، شوتلانديا جانە سولتۇستىك يرلانديانىڭ بارلىق اۋماعىن قامتيتىن رامىزدەر بەينەلەنگەن. ىشكى بەتتەرىندە اتاقتى عالىمدار، سۋرەتشىلەر، ماتەماتيكتەر جانە باسقا دا تاريحي تۇلعالاردىڭ سۋرەتتەرى بار. سونداي-اق لوندون مەتروسىنىڭ سىزباسى دا سالىنعان.
يرلانديا
بۇل ەلدىڭ جاڭا ۇلگىدەگى ءتولقۇجاتى مادەني مۇراسىن تولىق قامتىعان. ىشكى بەتتەرىندە كروك پارك ستاديونى، دۋبلين كونفەرەنس-زالى سياقتى تانىمال ورىندار بەينەلەنگەن. ءار بەتىندە ميفولوگياداعى وزەن قۇدايلارىنىڭ بەينەلەرى، كەيبىر بەتتەردە يرلاند اقىندارى د. ورر مەن ۋ. ب. يەيتستىڭ ولەڭدەرى بار.
كانادا
جاڭا ۇلگىدەگى كانادالىق ءتولقۇجات تا الەمدەگى ادەمى قۇجاتتار قاتارىندا. ءبىرى. قاراكوك مۇقابادا كورولدىكءتىڭ ەلتاڭباسى التىن ءتۇستە بەينەلەنگەن. ىشكى بەتتەرىندە ەلدىڭ كورىكتى جەرلەرى مەن تاريحي تۇلعالارى بەينەلەنگەن سۋرەتتەر بار.
اقش
مۇندا دا كانادالىق ءتولقۇجات سياقتى قاراكوك ءتۇستى مۇقاباسىندا كورولدىكءتىڭ التىن ءتۇستە بەينەلەنگەن ەلتاڭباسى بار. ىشكى بەتتەرىندە ەل پەيزاجدارى، تانىمال عيماراتتار جانە پرەزيدەنتتەردىڭ سوزدەرى جازىلعان.
جاپونيا
مۇقاباسىندا ەلتاڭبانىڭ ورنىنا مەملەكەتتىڭ باستى بەلگىلەرىنىڭ ءبىرى التىن حريزانتەما بەينەلەنگەن. ىشكى بەتتەرىندە نازىك رەڭكتە سالىنعان جاپون پەيزاجدارى بار، ەندى ولارعا فۋدزياما تاۋىنىڭ بەينەسىن قوسۋ جوسپارلانعان.
جۇڭگو
جۇڭگو ءتولقۇجاتى دا ادەمىلىگى مەن ەرەكشەلىگى جاعىنان باسقالاردان كەم تۇسپەيدى. ءار بەتىندە ەلدىڭ مادەنيەتى مەن گەوگرافياسىن تانىتاتىن شىنايى ساياحات كارتاسى ىسپەتتى ەلدىڭ پروۆينسيالارى مەن قالالارىنداعى تاريحي ەسكەرتكىشتەر بەينەلەنگەن:
اۆستراليا
قارا ءتۇستى مۇقاباسىندا ەلتاڭبا مەن ەل سيمۆولى ەمۋ مەن كەنگۋرۋ بەينەلەنگەن. ىشكى بەتتەرىندە ۇلتتىق كيىم كيگەن ەل تۇرعىندارى مەن سەرفينگشىلەر، سۇڭگۋىرلەر، جانۋارلار مەن وسىمدىكتەردىڭ سۋرەتتەرى بار.