ق ر تۋريزم جانە سپورت مينيسترلىگى تۋريستەردىڭ تاۋلى ايماقتارداعى قاۋىپسىزدىگىن قامتاماسىز ەتۋ ماقساتىندا زاڭناماعا تۇزەتۋ ەنگىزۋدى ۇسىنىپ وتىر.
جاڭا نورما بويىنشا تۋريستەر جەتۋ قيىن تاۋلى ايماقتارعا ساپار الدىندا توتەنشە جاعدايلار مينيسترلىگىنىڭ بولىمشەلەرىنە ءوز مارشرۋتتارى تۋرالى مىندەتتى تۇردە الدىن الا حابار بەرۋگە ءتيىس، دەپ حابارلايدى aqshamnews.kz.
تۋريزم جانە سپورت ءمينيسترى ەربول مىرزابوسىنوۆ ۇكىمەت وتىرىسىندا تۋريستەردىڭ قاۋىپسىزدىگىن قامتاماسىز ەتۋگە باعىتتالعان شارالاردى تانىستىردى. بۇل شارالار سالالىق مەملەكەتتىك ورگاندارمەن بىرلەسە جۇزەگە اسىرىلۋدا. مينيستر اتاپ وتكەندەي، اسىرەسە جاز مەزگىلىندە تاۋلى جەرلەردەگى تۋريستەردىڭ قاۋىپسىزدىگىنە ەرەكشە نازار اۋدارۋ قاجەت.
كەيىنگى 5 جىلدا ەلىمىزدىڭ تاۋلى ايماقتارىندا 400-دەن استام ىزدەستىرۋ-قۇتقارۋ جۇمىستارى جۇرگىزىلگەن. تەك بىلتىرعى جازعى ماۋسىمنىڭ وزىندە تۋريستەرگە قاتىستى 112 وقيعا تىركەلگەن.
بۇدان بولەك، قاۋىپسىزدىكتى ارتتىرۋ ماقساتىندا الماتى ماڭىنداعى شالعاي جەرلەردە 18 شاعىن ءۇي ورناتىلعان. اتالعان ۇيلەر ونداعان ادامنىڭ ءومىرىن ساقتاپ قالۋعا كومەكتەستى. ولار پەش، العاشقى مەديسينالىق كومەك قوبديشاسى، قۋاتتاعىش قۇرىلعى، كورپە سەكىلدى توتەنشە جاعدايدا شۇعىل قاجەتتى العاشقى كومەك جيناقتارىمەن جابدىقتالعان. سونىمەن قاتار شاعىن ۇيلەردە سپۋتنيكتىك بايلانىس ارقىلى «112» جانە «109» قىزمەتتەرىنە SOS بەلگىسىن بەرەتىن دابىل باتىرمالارى ورناتىلعان. وسى تاجىريبەنى ەلىمىزدىڭ وزگە دە وڭىرلەرىندە ەنگىزۋ ۇسىنىلۋدا.
ايتا كەتەيىك، بىلتىر ەل ىشىندە ساياحاتتاعان وتاندىق تۋريستەر سانى 10 ميلليوننان استى. تۋريزم جانە سپورت مينيسترلىگى تۋريستەردىڭ قاۋىپسىزدىگىن قامتاماسىز ەتۋ بويىنشا جۇيەلى شارالاردى ۋاكىلەتتى ورگاندارمەن بىرلەسىپ جالعاستىرا بەرمەك.