جوبانىڭ كەزەكتى 26-شىعارىلىمى شىقتى
ق ر اقپارات جانە قوعامدىق دامۋ مينيسترلىگىنىڭ قولداۋىمەن قازاقستان تاۋەلسىزدىگىنىڭ 30 جىلدىعىن مەرەكەلەۋ جونىندەگى جوبالىق كەڭسە «تاۋەلسىزدىك كۇندەلىگى» جوباسى ىسكە قوسىلدى، دەپ حابارلايدى Almaty-akshamy.kz
بۇل ق ر تاۋەلسىزدىگىنىڭ مەرەيتويىن مەرەكەلەۋ قۇرمەتىنە وتكىزىلەتىن نەگىزگى ءىسشارالاردىڭ اپتا سايىنعى بەينەالماناحتارى.
بۇل جوبا اعىمداعى جىلدىڭ مامىر ايىندا ىسكە قوسىلدى. قازىرگى ۋاقىتتا كەزەكتى 26-شى شىعارىلىم شىقتى.
قازاقستان تۇرعىندارى ۆيدەودايدجەستتەن قازاقستان تاۋەلسىزدىگىنىڭ 30 جىلدىعىن مەرەكەلەۋ اياسىندا ەل وڭىرلەرىندە وتكەن ەڭ باستى ءىس-شارالار، سونداي-اق قايىرىمدى ىستەر مارافونىنىڭ ىسكە اسىرىلۋى تۋرالى بىلە الادى.
«وسى بەينەجوبا ارقىلى قازاقستاندىقتار تاۋەلسىزدىكتىڭ 30 جىلدىعى ەلىمىزدە قالاي اتاپ ءوتىلىپ جاتقانىن بىلە الادى. جوبالىق كەڭسە وسى مەرەكەلىك شارالاردى ۇيلەستىرەدى. جالپى، اپتاسىنا ءارتۇرلى فورماتتاعى 150-دەن 250-گە دەيىن ءتۇرلى يۆەنتتەر وتكىزىلەدى، كوپ جاعدايدا بۇل تانىمدىق ءىسشارالار. بەينە كۇندەلىك تاۋەلسىزدىك مەرەيتويىن مەرەكەلەۋدىڭ جالپى كورىنىسىن قاراۋعا مۇمكىندىك بەرەدى»، دەپ اتاپ ءوتتى ق ر تاۋەلسىزدىگىنىڭ 30 جىلدىعىن مەرەكەلەۋ جونىندەگى جوبالىق كەڭسەنىڭ باسشىسى باعلان ايداشوۆ.
اپتا سايىن ۆيدەودايدجەست 30jyl.kz – ق ر تاۋەلسىزدىگىنىڭ 30 جىلدىعى اياسىندا وتكىزىلەتىن بارلىق ءىسشارالار تۋرالى انونستار مەن جاڭالىقتار جاريالاناتىن ارنايى سايتتا ورنالاستىرىلادى.