«ءبىز يتاليانى قۇردىق، ەندى يتاليالىقتاردى جاساپ شىعارايىقشى» دەپتى ويشىل كوميللو كوۆۋر. راسىندا، تاۋەلسىزدىكتىڭ ارقاسىندا قازاق ەلى جاڭا بەلەستەردى باعىندىرىپ كەلەدى. مىڭ دا ءبىر تاۋبە!
دۇنيەدە ماتەريالدىق قۇندىلىقتارمەن قاتار رۋحانيات تا بىرگە جاسايدى. ەكەۋى تابانىن تەڭ باسقاندا، وركەنيەتكە قاراي ىلگەرى قادام جاسالادى. بۇل كوشتىڭ تىزگىنىن مادەنيەت باستايدى. Eگەمەندىگىمىزگە 30 جىل تولدى! شۇكىر! تالاي قيىندىقتى ەڭسەرىپ، جاقسىلىقتارعا جەتتىك. دامىعان 50 مەملەكەتتىڭ قاتارىنا ەنىپ، 30-دىق ساپىنا قاراي بەتتەپ بارامىز.
قازاقستاننىڭ بۇگىنگە دەيىنگى جۇرگەن جولى، عاسىرلار جاساعان دەرجاۆالاردىڭ ىسىنە پاراپار. مادەنيەتىمىز قارقىنداپ دامىپ كەلەدى. دۇنيەجۇزىن ديماش انىمەن ءتانتى ەتسە، يمانبەك «گرەممي» سىيلىعىن الدى. ەكەۋى دە قاراپايىم قازاق جىگىتتەرى. ولار 1925 جىلى پاريج تورىندە ءان شىرقاعان امىرە اتامىزدىڭ زاڭدى جالعاسى دەۋگە ابدەن لايىقتى. بالكىم، مۋزىكادا شەكارا بولمايدى دەگەن وسى شىعار. بوكستان جانىبەك ءالىمحان ۇلى اقش-تا «قازاق بوكس ءستيلى» اتتى تيتۋلدىڭ نەگىزىن قالاۋدا. ال جاقىندا عانا ەرلەر اراسىندا شاحماتتان «گروسسمەيستەر» اتاعىن يەلەنگەن جانسايا ابدىمالىكپەن قالاي ماقتانبايسىز! پرەزيدەنتتىڭ «100 جاڭا ەسىم» بايقاۋىندا توپ جارعان، TESLO كومپانياسىنىڭ نەگىزىن سالۋشى يلون ماسكتىڭ توبىنا شاقىرتۋ العان ونەرتاپقىش سانجار تايجان ماقتاۋعا تۇرارلىق ازامات. الەم كوگىندە جۇلدىزداي جارقىراعان جاستارىمىزدىڭ ءتىزىمىن وسىلايشا جالعاستىرا بەرۋگە بولادى.
بۇرىنعىلار «ونەر كوزى – حالىقتا» دەپ تەككە ايتپاعان. وعان وسى مىسالدار ارقىلى كۋا بولۋدامىز.
تاۋەلسىزدىكتىڭ ۇلاندارىنىڭ ءبىر سىپىراسىن عانا باياندادىق. ەگەمەن بولىپ، ەتەك-جەڭىمىزدى جينادىق. الەم تانيتىن ايبىندى، قۋاتتى، بەيبىتشىلىك نۇرىن شاشقان جۇماق مەكەنگە اينالۋدامىز. الار اسقاق اسۋلارىمىز ءالى دە الدا!