تارازدا ماس كۇيدە جولاۋشىلار تاسىمالداعان №17 باعىتتاعى اۆتوبۋستىڭ جۇرگىزۋشىسى ۇستالدى، - دەپ حابارلايدى اqshamnews.kz جامبىل وبلىستىق پوليسيا دەپارتامەنتىنە سىلتەمە جاساپ.
وقيعا "ءقاۋىپسىز جول" جەدەل-الدىن الۋ ءىس-شاراسى بارىسىندا انىقتالدى. پوليسەيلەر كۇدىك تۋدىرعان اۆتوبۋستى توقتاتىپ، تەكسەرىس جۇرگىزگەن.
مەديسينالىق ساراپتاما ناتيجەسىندە 55 جاستاعى جۇرگىزۋشىنىڭ ماس كۇيىندە بولعانى راستالدى. ونىڭ ۇستىنەن ق ر اقبتك-نىڭ 608-بابىنىڭ 1-بولىگى بويىنشا اكىمشىلىك حاتتاما تولتىرىلدى. سوت شەشىمىمەن ول 15 تاۋلىككە اكىمشىلىك قاماۋعا الىنىپ، 7 جىل مەرزىمگە جۇرگىزۋشى كۋالىگىنەن ايىرىلدى.
"ماس كۇيدە كولىك جۇرگىزۋ جولداعى قاۋىپسىزدىككە ناقتى قاتەر توندىرەدى جانە زاڭ بويىنشا قاتاڭ جاۋاپكەرشىلىككە اكەلەدى"، – دەپ اتاپ ءوتتى پوليسيادا.