الاتاۋ اۋدانىنىڭ تۇرعىندارىمەن كەزدەسۋ بارىسىندا الماتى اكىمى ەربولات دوسايەۆ قالادا شۇڭقىرلاردى جوندەۋدى جۇزەگە اسىراتىن مەردىگەرلىك ۇيىمدارعا باقىلاۋ كۇشەيتىلەتىنىن حابارلادى.
اعىمداعى جوندەۋ كەزىندە جولاۋشىلار بىرنەشە كۇن بويى ويىلعان شۇڭقىرلاردى نەگە قالدىرادى دەگەن سۇراققا جاۋاپ بەرە وتىرىپ، قالا باسشىسى موبيلدىلىك باسقارماسىنىڭ (قمب) باسشىسى ساعىندىق تەلىبايەۆتى ورنىنان تۇرعىزدى.
«رەگلامەنت بويىنشا، ەگەر اسفالت كەسىلسە، ول جۇمىس كۇنىنىڭ سوڭىنا دەيىن قالپىنا كەلتىرىلۋى ءتيىس»، – دەدى قمبم باسشىسى ساعىندىق تەلىبايەۆ.
قالا اكىمى كەلىسىمشارتتىق مىندەتتەمەلەردە بۇل نورمالار جازىلعانىن، ءبىراق بارلىق مەردىگەرلەر اسفالتتىڭ ۋاقىتىندا جەتكىزىلمەگەنىن نەمەسە تەحنيكانىڭ جەتكىلىكسىز ەكەنىن ايتىپ، وسى تالاپتاردى ورىنداي بەرمەيتىنىن اتاپ ءوتتى.
«ياعني، رەگلامەنت بار، دەمەك شۇڭقىرلاردى جوندەۋگە جاۋاپتى اۋداندىق اكىمدىكتەر بۇل ماسەلەگە باقىلاۋدى كۇشەيتەدى»، - دەدى ەربولات دوسايەۆ.
سونداي-اق، قالا باسشىسى بارلىق وسىنداي جاعدايلار بويىنشا قالا تۇرعىندارى «ە-Otinish»، «Open Almaty» اكىمدىگىنىڭ قوعامدىق قابىلداۋى نەمەسە جول ينفراقۇرىلىمىنا ارنالعان Almaty_Joly ارنايى Telegram-ارناسىنىڭ @almatyjolybot چات-بوتى ارقىلى حابارلاسا الاتىنىن ايتتى.