شري-لانكا جاعالاۋىندا ەكولوگيالىق اپات ورىن الدى

ساراپشىلار اپات سالدارى ونداعان جىلدارعا سوزىلاتىنىن ايتادى.

شري-لانكادا جاعالاۋ ماڭىندا حيميالىق زاتتار تيەلگەن كەمە ورتەنىپ، باتىپ كەتكەننەن كەيىن جۇزدەگەن تەڭىز جانۋارلارىنىڭ ولەكسەسى تابىلدى، دەپ حابارلايدى Almaty-akshamy.kz BBC سايتىنا سىلتەمە جاساپ.

ءۇندىستاننىڭ حازيرا پورتىنان شىققان، سينگاپۋردە تىركەلگەن «ەكسپرەسس پەرل» كونتەينەر كەمەسى شري-لانكانىڭ استاناسى كولومبو جاعالاۋىنا قونعان كەزدە اپاتقا ۇشىراي باستاعان. كەمە 20 مامىردا ورتەنىپ، ماۋسىم ايىنىڭ باسىندا باتىپ كەتكەن.

الايدا ەكولوگتار اپاتتىڭ بار اۋقىمى ەندى عانا ايقىندالا باستاعانىن ايتادى.

كولومبو جاعاجايىنان  176 ءولى تاسباقانىڭ، 20 دەلفيننىڭ، ءتورت كيت پەن سانسىز بالىقتىڭ قالدىقتارى تابىلعان.

شري-لانكانىڭ قورشاعان ورتانى قورعاۋ ءمينيسترى ماحيندا اماراۆەەرانىڭ ايتۋىنشا، جانۋارلاردىڭ ءولىمى كەمە اپاتىنا بايلانىستى بولدى.

«كەمەدە 190-نان استام كونتەينەر بولعان، ونىڭ باسىم كوپشىلىگى  پلاستماسسادان جاسالعان زاتتار»، - دەدى مينيستر.

«ەكسپرەسس پەرل» كەمەسى 270 توننادان استام مازۋت، 50 توننا ديزەل جانە 25 توننا ازوت قىشقىلىن جانە دە باسقا حيميالىق زاتتاردى تاسىمالداعان.  جەرگىلىكتى ەكولوگتار شري-لانكانىڭ سۋى «حيميالىق سورپاعا» اينالدى دەپ مالىمدەدى. ساراپشىلار اپات سالدارى ونداعان جىلدارعا سوزىلاتىنىن ەسكەرتتى.