باكتەريالاردى زەرتحانا ساراپتاماسىنىڭ قورىتىندىسى راستاعان.
ق ر اشم اگروونەركاسىپتىك كەشەندەگى مەملەكەتتىك ينسپەكسيا كوميتەتىنىڭ ءتوراعاسى المابەك مارس ۇلى شەتەلدەن اۋىل شارۋاشىلىعى ونىمدەرىمەن بىرگە كەلەتىن زيانكەستەرگە توسقاۋىل قويۋ قادامدارىن ايتتى، دەپ حابارلايدى اlmaty-akshamy.kz
«2021 جىلى كارانتيندىك فيتوسانيتاريالىق باقىلاۋ جۇرگىزۋ كەزىندە وسىمدىكتەر كارانتينى سالاسىندا 5 مىڭنان استام زاڭ بۇزۋشىلىق انىقتالدى. ناتيجەسىندە، 392 ملن تەڭگە اكىمشىلىك ايىپپۇل سالىندى. وسىمدىكتەر كارانتينى سالاسىنداعى زاڭنامانى بۇزعانى ءۇشىن كوميتەت ەكسپورتتاۋشى ەلدەرگە كارانتينگە جاتقىزىلعان ءونىمدى جەتكىزۋ كەزىندە ءبىرىڭعاي كارانتيندىك فيتوسانيتاريالىق تالاپتارىن بۇزۋ تۋرالى 792 نوتيفيكاسيا جىبەردى»، - دەدى المابەك مارس ۇلى ورتالىق كوممۋنيكاسيالار قىزمەتىندە.
وسى ورايدا ونىڭ نەگىزگى ۇلەسى رەسەيگە تيەسىلى. ودان كەيىنگى ورىنداردا وزبەكستان، يران، تۇرىكمەنستان ەلدەرى تۇر. سونىڭ اراسىندا 168 نوتيفيكاسيا كارانتيندىك وبەكتىلەردىڭ انىقتالۋىنا بايلانىستى جىبەرىلدى. بۇل ورگانيزمدەر رەسپۋبليكا اۋماعىنا اكەلۋ كەزىندە انىقتالىپ وتىر، بۇل رەتتە 3 مىڭ توننادان استام جۇك قامتىلدى.
«2021 جىلعى قاڭتاردا كوميتەت قىزاناق جانە بۇرىشقا كارانتيندىك باقىلاۋ جۇرگىزۋ كەزىندە 17 جاعدايدا ءازىربايجاننان كەلگەن جانە 19 جاعدايدا تۇرىكمەنستاننان كەلگەن قىزاناقتاردا قوڭىر قاتپارلى ۆيرۋس انىقتالدى. وسىعان بايلانىستى ءازىربايجان مەن تۇرىكمەنستان اۋماعىنان قىزاناق اكەلۋگە ۋاقىتشا تىيىم سالىنىپ، كارانتيندىك فيتوسانيتاريالىق ءىس-شارالار ەنگىزىلدى»، - دەدى ول.
كوميتەت باسشىسىنىڭ ايتۋىنشا، بيىلعى ءساۋىر ايىندا كارانتيندىك فيتوسانيتاريالىق باقىلاۋدى جۇزەگە اسىرۋ كەزىندە گەرمانيادان، نيدەرلاندىدان 228 توننا تۇقىمدىق كارتوپتان، سونداي-اق كارتوپتىڭ «زەبرا چيپ» كارانتيندىك وبەكتىسىمەن زالالدانعان فرانسيادان 46،4 كيلوگرامم ءسابىز تۇقىمىن اكەلۋ توقتاتىلدى. باكتەريالار زەرتحانا ساراپتاماسىنىڭ قورىتىندىسىمەن راستالدى.
«جوعارىدا كورسەتىلگەن «زەبرا چيپ» كارانتيندىك وبەكتىسىن انىقتاۋ فاكتىلەرى بويىنشا ءتيىستى كارانتيندىك قۇجاتتار رەسىمدەلدى. وسىمدىكتەر كارانتينى سالاسىنداعى زاڭنامانى بۇزۋعا قاتىستى اكىمشىلىك ماتەريالدار سوت قاراۋىنا جىبەرىلدى. سوت قاۋلىسىندا كارانتينگە جاتقىزىلعان ءونىمنىڭ زالالدانعان پارتياسىن تاركىلەۋ جانە جۇك يەلەرىنە اكىمشىلىك ايىپپۇل سالۋ تۇرىندە ءتيىستى شارالار قابىلداندى»، - دەدى ول.