ق ر ءبىلىم جانە عىلىم مينيسترلىگىنىڭ باسپا ءسوز قىزمەتى وقۋشى قىزداردىڭ مەكتەپكە شالبارمەن كەلۋىنە شەكتەۋ قويىلعانى تۋرالى مالىمەتتەردى جوققا شىعاردى، دەپ حابارلايدى almaty-akshamy.kz
ۆەدومستۆونىڭ «قازاقپارات» حالىقارالىق اقپارات اگەنتتىگىنە بەرگەن مالىمەتىندە قىز بالالار مەكتەپكە يۋبكا نەمەسە شالبار كيىپ كەلۋى ءتيىس دەگەن تالاپ قويىلمايتىنى ايتىلعان.
«جاڭا وقۋ جىلىندا وقۋشىلارعا ءبىلىم بەرۋ ۇيىمدارىنا تەك مەكتەپ فورماسىندا عانا ەمەس، سونىمەن قاتار كلاسسيكالىق ستيلدەگى كيىمدە بارۋىنا دا رۇقسات بەرۋ تۋرالى شەشىم قابىلداندى. كلاسسيكالىق ستيل ماتانى، كيىمنىڭ ءتۇسى مەن تىگىسىن تاڭداۋدا قاتاڭدىقپەن، ۇستامدىلىقپەن جانە كونسەرۆاتيزممەن سيپاتتالادى. قازىرگى تاڭدا مەكتەپتەردە «ءۇستى – اشىق ءتۇستى»، «استى – قارا ءتۇستى» كيىمگە باسىمدىق بەرىلەدى. قىز بالالار مەكتەپكە يۋبكا نە بولماسا شالبار كيىپ كەلۋى ءتيىس دەگەن تالاپ قويىلمايدى»، - دەپ جازادى مينيسترلىكتىڭ باسپا ءسوز قىزمەتى.
ۆەدومستۆو ماماندارى اتالعان تالاپتار بويىنشا قانداي دا ءبىر تۇسىنبەۋشىلىكتەر تۋىنداسا ارنايى Call-ورتالىقتارعا حابارلاسۋ كەرەكتىگىن ايتادى.
«ق ر ءبىلىم جانە عىلىم مينيسترلىگى ازاماتتاردىڭ وتىنىشتەرىنە جەدەل دەن قويۋ ءۇشىن، ءبىلىم جانە عىلىم سالاسىندا ساپانى قامتاماسىز ەتۋ كوميتەتىنىڭ اۋماقتىق دەپارتامەنتتەرى مەن ءبىلىم باسقارمالارى باسشىلارىنىڭ جانە Call-ورتالىقتارىنىڭ تەلەفون نومىرلەرىن جاريالاعان بولاتىن»، - دەپ جازىلعان رەسمي مالىمەتتە.