9 مامىردا اباي وبلىسىنىڭ اكىمى بەرىك ءۋالي مەن وبلىستىق قورعانىس ىستەرى جونىندەگى دەپارتامەنتتىڭ باستىعى پولكوۆنيك رۋسلان وماروۆ سوعىس ارداگەرلەرى ءابدىعالي قايمولدين مەن يۆان شيەۆسوۆتى قۇتتىقتاپ باردى.
جەڭىسكە قوسقان ولشەۋسىز ۇلەسى ءۇشىن ارداگەرلەرگە ريزاشىلىعىن بىلدىرگەن بەرىك ءۋالي ولارعا مەملەكەت باسشىسىنىڭ قۇتتىقتاۋىن جەتكىزدى.
مايدانگەرلەرگە مەرەيتويلىق مەدالدار، بەس ميلليون تەڭگەنىڭ سەرتيفيكاتى جانە وبلىس اكىمدىگىنەن ارنايى سىيلىعى تابىس ەتىلدى.
– ۇلى جەڭىستى جاقىنداتقان ارداگەرلەردىڭ بارىنە ريزاشىلىعىمدى بىلدىرگىم كەلەدى. بۇگىنگى بەيبىت كۇنىمىز ءۇشىن سىزدەرگە مىڭ العىس، – دەدى بەرىك ءۋالي.
قورعانىس ءمينيسترى اتىنان ارداگەرلەرگە العىس حاتتار مەن باعالى سىيلىقتاردى قورعانىس ىستەرى جونىندەگى دەپارتامەنت باستىعى پولكوۆنيك رۋسلان وماروۆ تابىستادى.
ال ۇلتتىق ۇلان 5511 اسكەري ءبولىمىنىڭ اسكەري وركەسترى سوعىس جىلدارىنداعى اۋەندەردى ورىندادى.
ءابدىعالي قايمولدين 1921 جىلى سەمەي وبلىسىنىڭ ابرالى اۋىلىندا دۇنيەگە كەلگەن. جيىرما جاسىندا ءوز ەركىمەن مايدانعا اتتاندى. ول ستالينگراد، 1ء-شى ۋكراينا، 1ء-شى بەلارۋس جانە 3ء-شى بالتىق مايداندارىندا شايقاستى. قىزىل جۇلدىز، I دارەجەلى وتان سوعىسى وردەندەرىمەن جانە "جاۋىنگەرلىك ەرلىگى ءۇشىن" مەدالىمەن ماراپاتتالعان.
يۆان شيەۆسوۆ 1926 جىلى دۇنيەگە كەلگەن. 18 جاسىندا قىزىل ارميا قاتارىنا شاقىرىلدى. ەۋروپا ەلدەرىن ازات ەتۋگە قاتىستى. II دارەجەلى وتان سوعىسى جانە قىزىل جۇلدىز وردەندەرىمەن ماراپاتتالعان.