پيلوتتىق جوبا شەڭبەرىندە "ەلەكتروندىق ۇكىمەت" پورتالى جانە اقپاراتتاندىرۋ وبەكتىلەرى ارقىلى كولىك قۇرالدارىن باستاپقى مەملەكەتتىك تىركەۋ ىسكە اسىرىلادى، دەپ حابارلايدى aqshamnews.kz
سيفرلىق دامۋ مينيسترلىگى "ەلەكتروندىق ۇكىمەت" پورتالى جانە اقپاراتتاندىرۋ وبەكتىلەرى ارقىلى كولىك قۇرالدارىن باستاپقى مەملەكەتتىك تىركەۋ بويىنشا پيلوتتىق جوبانى جۇرگىزۋ تۋرالى بۇيرىقتىڭ جوباسىن دايىندادى.
پيلوتتىق جوباداعى پورتال ارقىلى:
"كولىك قۇرالىنىڭ سايكەستەندىرۋ ءنومىرى بويىنشا كولىك قۇرالدارىنىڭ جەكەلەگەن تۇرلەرىن مەملەكەتتىك تىركەۋ، ەسەپكە الۋ جانە ەسەپتەن شىعارۋ،
"كولىك قۇرالدارىن تىركەۋ تۋرالى كۋالىكتەر مەن مەملەكەتتىك تىركەۋ نومىرلىك بەلگىلەرىن بەرۋ" مەملەكەتتىك قىزمەتىن كورسەتۋ بولىگىندە ىسكە اسىرۋ ءتارتىبىن ايقىندايدى.
ىسكە اسىرۋ مەرزىمى – 2026 جىلعى 31 تامىزعا دەيىن. باستامانى سيفرلاندىرۋ مينيسترلىگى ق ر ىىم-مەن بىرلەسىپ ىسكە اسىراتىن بولادى.
بۇيرىقتىڭ جوباسى 2025 جىلعى 2 قىركۇيەككە دەيىن جاريا تالقىلاۋ ءۇشىن "اشىق نقا" پورتالىندا ورنالاستىرىلعان.