قازاقستان اۆتوموبيل جولدارىن جاماۋدى جالعاستىرۋدا
بۇگىن رەسپۋبليكالىق ماڭىزى بار جولداردا "قازاقاۆتوجول" ج ش س ماماندارى 260 مىڭ شارشى مەتردەن استام شۇڭقىرلاردى جوندەۋ، سونداي-اق 5،5 مىڭنان استام جول بەلگىلەرى مەن 184 پاننو ورناتۋ جانە اۋىستىرۋ جۇمىستارىن جۇزەگە اسىردى. سونىمەن قاتار، 90 اۆتوپاۆيلون مەن دەمالىس الاڭدارى جوندەلىپ، 450 شارشى مەتردەن استام جول بويىندا شۋ جولاقتارى ورناتىلدى، دەپ حابارلادى Almaty-akshamy.kz. ق ر يندۋستريا جانە ينفراقۇرىلىمدىق دامۋ مينيسترلىگىنىڭ تاراتقان حابارىنا سىلتەمە جاساپ.
جۇمىستار مامىر ايىندا باستالعان كەشەندى-ماقساتتى باعدارلامانى ىسكە اسىرۋ شەڭبەرىندە جۇرگىزىلۋدە. جىل سايىنعى باعدارلاما جول جاعدايى ەلەمەنتتەرىن جايلاستىرۋعا جانە جول قوزعالىسى قاۋىپسىزدىگىن ارتتىرۋعا باعىتتالعان.