قىز "ساتاتىن" سايت نەگە جابىلمايدى؟

سيفرلىق دامۋ، يننوۆاسيالار جانە اەروعارىش ونەركاسىبى ۆيسە-مينيسترى دوسجان مۇسالييەۆكە قازاقستان بيلىگى قىزدار.نەت سايتىن نەگە بۇعاتتاي الماي وتىرعانى تۋرالى سۇراق قويىلدى، دەپ حابارلايدى aqshamnews.kz

ءبىراق Ulysmedia.kz ءتىلشىسى جولداعان سۇراققا ناقتى جاۋاپ بەرىلگەن جوق.

مۇسالييەۆتىڭ سوزىنشە، اقپاراتتىق قاۋىپسىزدىك ەكى بولىكتەن تۇرادى. 

ءبىرىنشىسى كونتەنت قاۋىپسىزدىگى. ەكىنشىسى كيبەرقاۋىپسىزدىك. ءبىزدىڭ مينيسترلىك كيبەرقاۋىپسىزدىككە جاۋاپ بەرەدى. مەنىڭ بىلۋىمشە، بۇل سايتتارعا قاتىستى سۇراقتارمەن (قىزدار.نەت) اقپارات جانە مادەنيەت مينيسترلىگى اينالىسادى. ولار كونتەنت زاڭعا قايشى كەلگەن جاعدايدا ولاردى بۇعاتتايدى، دەيدى مۇسالييەۆ. 

ۆيسە-مينيستر ۆەدومستۆو ادامداردىڭ قاۋىپسىزدىگىن قالاي قورعايتىنىن تۇسىندىرۋگە تىرىستى. 

اقپاراتتىق جۇيەلەردىڭ قاۋىپسىزدىگىنە سول جۇيەلەردىڭ باسشىلارى جاۋاپتى. ءبىز مينيسترلىك رەتىندە ءتيىستى زاڭداردى قابىلداپ، ولاردىڭ ورىندالۋىن قاداعالايمىز. ال تەرگەۋ بارىسىندا جەكە دەرەكتەر شىعىپ كەتىپ جاتسا، ارينە تەكسەرۋ قاجەت. ول تۋرالى ءتيىستى ورگاندارعا حابارلاۋ كەرەك. ەگەر ول اكىمشىلىك بۇزۋشىلىق بولسا ءبىز جاۋاپتىمىز. ال قۇقىق بۇزۋ جاعىنان بولسا كيبەرپوليسيا، ىشكى ىستەر مينيسترلىگى جاۋاپتى. ءبىزدىڭ ساراپشىلاردىڭ ىشكى ىستەر مينيسترلىگى تەرگەۋ توپتارىنا تاراتادى. ءبىراق تەرگەۋدىڭ ءوزى دە قۇپيا جۇرەدى، سوندىقتان ساراپشىلار بىزگە اقپارات بەرە المايدى، دەيدى ۆيسە-مينيستر.