وسى جىلدىڭ قىركۇيەك ايىنان باستاپ باكالاۆريات 31 مىڭ تەڭگە، ماگيسترانتتار 76 مىڭ تەڭگە الادى.
بۇل تۋرالى ايتقان ءبىلىم جانە عىلىم ءمينيسترى اسحات ايتماعانبەتوۆ ستيپەنديا مولشەرى قالاي وزگەرەتىنىن ءتۇسىندىردى، دەپ حابارلايدى Almaty-akshamy.kz Sputniknews.kz سايتىنا سىلتەمە جاساپ.
ۆەدومستۆو باسشىسى كۇزدەن باستاپ ستۋدەنتتەر مەن ماگيسترانتتار، دوكتورانتتاردىڭ شاكىرتاقىسى وسەتىندىگىن ايتقان.
«وسى جىلدىڭ قىركۇيەگىنەن باستاپ باكالاۆريات بويىنشا ستيپەنديا مولشەرى 31 مىڭ تەڭگەدەن ءسال اسادى، ماگيسترانتتاردا 15 پروسەنتكە وسەدى، شامامەن 76 مىڭ تەڭگە. دوكتورانتۋرا بويىنشا دا وسىنداي وزگەرىستەر بار. جالپى، سوڭعى ءبىر جارىم جىل ىشىندە دوكتورانتتاردىڭ ستيپەندياسى 82 پروسەنتكە ءوستى. ءبىراق سوعان قاراماستان ولار قىركۇيەكتەن باستاپ قازىرگىدەي 150 مىڭ تەڭگە ەمەس، 172 مىڭ تەڭگە الادى دەپ جوسپارلانۋدا»، - دەدى اسحات قانات ۇلى.
ايتۋىنشا، 2025 جىلعا قاراي ستيپەنديا مولشەرى ارتىپ، گرانتتار سانى 75 مىڭ ورىنعا جەتەتىن كورىنەدى.