قما شىمكەنت قالاسى بويىنشا دەپارتامەنتى "قازمۇنايگاز ينۆەست" قارجى پيراميداسىنىڭ زاڭسىز قىزمەتىن توقتاتتى، - دەپ حابارلايدى aqshamnews.kz.
الاياقتىق سحەما ازاماتتاردىڭ سەنىمىن تەرىس پايدالانۋ ارقىلى قۇرىلعان. ۇيىمداستىرۋشىلار "قازمۇنايگاز" ۇلتتىق كومپانياسىنىڭ اكسيالارىن ساتىپ الۋ ارقىلى مول جانە جىلدام تابىس تابۋعا ۋادە بەرگەن. كۇدىكتىلەر سالىمشىلارعا ءار 15 كۇن سايىن 50% كىرىس تۇسەتىنىن ايتىپ، ولاردى الداعان.
الايدا ءىس جۇزىندە ەشقانداي باعالى قاعازدار ساتىپ الىنباعان. تولەمدەر تەك جاڭادان تارتىلعان قاتىسۋشىلاردىڭ قاراجاتى ەسەبىنەن جۇزەگە اسىرىلعان.
باستاپقى سالىم سوماسى 500 مىڭ تەڭگەدەن باستالعان.
ناتيجەسىندە شامامەن 200 ازامات قارجى پيراميداسىنىڭ قۇربانىنا اينالىپ، جالپى سوماسى 1 ملرد تەڭگەدەن استام قارجىسىنان ايىرىلعان.
زاڭسىز جولمەن الىنعان كىرىستەرگە كۇدىكتىلەر تۇركىستان وبلىسىندا جالپى قۇنى 438 ملن تەڭگەدەن اساتىن مۇلىك — ەكى قىمبات كولىك ("Tank 500"، "BMW X5")، تۇرعىن ءۇي جانە كوممەرسيالىق نىسان (مەيرامحانا) ساتىپ العان. بۇل مۇلىكتەر تاركىلەۋدەن جاسىرۋ ماقساتىندا تۋىستارىنىڭ اتىنا راسىمدەلگەن.
سوت سانكسياسىمەن اتالعان مۇلىككە تىيىم سالىندى. كۇدىكتىلەر قاماۋعا الىندى. تەرگەۋ امالدارى جالعاسىپ جاتىر.
قازاقستان رەسپۋبليكاسى قىلمىستىق-پروسەستىك كودەكسىنىڭ 201-بابىنا سايكەس وزگە اقپارات جاريالاۋعا جاتپايدى.