ىشكى ىستەر ءمينيسترى ەرجان سادەنوۆتىڭ ايتۋىنشا، كەلىسىمگە پرەزيدەنتتىڭ ارمەنياعا 2024 جىلعى ساۋىردەگى رەسمي ساپارىندا قول قويىلعان، دەپ حابارلايدى aqshamnews.kz
بۇرىن مۇنداي ەرەجە تەك رەسەي مەن قىرعىزستانعا بارۋ ءۇشىن جارامدى بولاتىن.
پارلامەنت ءماجىلىسى قازاقستان ۇكىمەتى مەن ارمەنيا ۇكىمەتى اراسىنداعى ازاماتتاردىڭ ساپارلارى مەن بولۋ ءتارتىبى تۋرالى كەلىسىمدى راتيفيكاسيالاۋ تۋرالى زاڭدى قابىلدادى، دەپ حابارلايدى Azattyq Rýhy.
«قۇجاتقا سايكەس، مەملەكەت ازاماتتارىنىڭ ەلدە 30 كۇن بولعاننان كەيىن پوليسيادا تىركەلۋ مىندەتى ەنگىزىلىپ وتىر. ءقازىر ولار پوليسياعا بارماي 90 كۇن بولا الادى. بۇل نورمانى ەنگىزۋ كوشى-قون باقىلاۋىنىڭ تيىمدىلىگىن ارتتىرادى. سونداي-اق كەلىسىمدە ۇلتتىق زاڭنامالارعا سايكەس 90 كۇننەن استام ەلدە بولۋ مەرزىمىن ۇزارتۋ مۇمكىندىگى كوزدەلگەن. ۋاقىتشا تۇرۋعا رۇقسات الۋ جەتكىلىكتى. وسىلايشا، ەكى جاق ءۇشىن ۆيزالىق رەجيم جويىلادى. بۇل ازاماتتاردىڭ ەلدەرگە كەلۋ كەزىندە شىعىندارىن ازايتادى»، - دەدى سادەنوۆ.
سونىمەن قاتار ەلگە كىرۋ ءۇشىن قاجەتتى قۇرالدار تىزبەسىنە مىنالار ەنگىزىلەدى:
ارمەنيا ازاماتتارى ءۇشىن سايكەستەندىرۋ كارتاسى؛
قازاقستان ازاماتتارى ءۇشىن جەكە كۋالىك.
وسىلايشا، قازاقستاندىقتار ارمەنيادا ىشكى قۇجاتپەن جۇرە الادى. بۇرىن مۇنداي ەرەجەلەر تەك رەسەي مەن قىرعىزستانعا بارۋ ءۇشىن جارامدى بولاتىن
«وسىنداي تاجىريبە بار. قازاقستان ازاماتتارى جەكە كۋالىكپەن رەسەي مەن قىرعىزستانعا ەركىن كىرە الاتىن. بۇل شارا كەلۋ جانە بولۋ ءتارتىبىن جەڭىلدەتەدى. سوداي-اق پاسپورت راسىمدەۋ شىعىنىن ازايتادى»،- دەيدى ۆەدومستۆو باسشىسى.
ءىىم باسشىسىنىڭ اقپاراتىنشا، جىل باسىنان بەرى قازاقستانعا ارمەنيانىڭ 12 مىڭعا جۋىق ازاماتى كەلگەن.
ارمەنيا تاراپى كەلىسىمدى بىلتىر 15 قاراشادا راتيفيكاسيالاعان.