تازالاۋ جۇمىستارى «بىرگە - تازا قازاقستان» اكسياسى بارىسىندا جۇرگىزىلدى.
دۇنيەجۇزىلىك قورشاعان ورتانى قورعاۋ كۇنىنە وراي ۇيىمداستىرىلعان «بىرگە - تازا قازاقستان» اتتى شاراعا 150 مىڭنان استام ادام قاتىسىپ، 40 مىڭ تونناعا جۋىق قوقىس جيناعان، دەپ حابارلايدى Almaty-akshamy.kz ەكولوگيا، گەولوگيا جانە تابيعي رەسۋرستار مينيسترلىگىنىڭ باسپا ءسوز قىزمەتىنە سىلتەمە جاساپ.
«قازاقستان رەسپۋبليكاسى ەكولوگيا، گەولوگيا جانە تابيعي رەسۋرستار مينيسترلىگىمەن ۇيىمداستىرىلعان ءىس-شارادا ەلىمىزدىڭ بۇكىل وبلىسىنىڭ 150 مىڭنان استام تۇرعىندارى قاتىستى. ولاردىڭ اراسىندا كوپتەگەن ۇيىمداردىڭ، مەملەكەتتىك ورگانداردىڭ، قوعامنىڭ وكىلدەرى، سونداي-اق 25 مىڭنان جوعارى ەكوبەلسەندىلەر مەن ۆولونتەرلەر بار. بىرلەسكەن كۇش-جىگەرمەن رەسپۋبليكانىڭ 492 لوكاسياسى بويىنشا 37 مىڭ توننادان استام قوقىس جينالدى»، – دەلىنگەن مينيسترلىك حابارلاماسىندا.
ەلوردادا اكسيا وتكىزۋگە ارنالعان بىرنەشە الاڭ انىقتالدى. ەڭ نەگىزگىلەرىنىڭ ءبىرى الماتى اۋدانىنداعى نۇرا-ەسىل كانالىنىڭ بويىنداعى ۋچاسكە بولدى. نۇر-سۇلتان قالاسىنىڭ بەس مىڭعا جۋىق تۇرعىنى قوقىس تازالاۋعا شىعىپ، 540 توننا قوقىستى وڭدەۋگە جينادى.
«بىرگە - تازا قازاقستان» اكسياسى العاش رەت 2019 جىلى باستاۋ الدى. اكسيانىڭ بارلىق كەزەڭى ىشىندە وعان ەلىمىزدىڭ 650 مىڭنان استام تۇرعىنى قاتىستى. تەك ءۇش جىلدىڭ ىشىندە 400 مىڭ توننادان استام قالدىق جينالىپ، كادەگە جاراتۋعا بەرىلدى. سونىمەن قاتار ءىس-شارا اياسىندا ەكى ميلليون اعاش وتىرعىزىلدى.
ەكولوگتاردىڭ كاسىبي مەرەكەسى جازدىڭ العاشقى كۇندەرىندە تەك قازاقستاندا عانا ەمەس، رەسەيدە دە تويلانۋى سيمۆوليكالىق مانگە يە. وسىعان بايلانىستى بيىل العاش رەت نۇر-سۇلتان مەن ورىنبور اراسىندا تەلەكوپىر وتكىزىلدى. بىرلەسكەن ديالوگتا وسىنداي ءىس-شارالاردىڭ جاھاندىلىعى مەن قاجەتتىلىگى تۋرالى پىكىر الماستى. كورشى مەملەكەت ءبىزدىڭ ورتاق سۋ قويمامىز بولىپ تابىلاتىن جايىق وزەنىنىڭ جاعاسىن تازالاۋ بويىنشا جوسپارلارىمەن ءبولىستى. ءوز كەزەگىندە ەكولوگيالىق رەتتەۋ جانە باقىلاۋ كوميتەتى ءتوراعاسىنىڭ ورىنباسارى ەرمەك ۋماروۆ رەسەي فەدەراسياسىنداعى بارلىق قاتىسۋشىلار مەن ارىپتەستەرىنە پلانەتا ەكولوگياسىنىڭ جاي-كۇيىن بىرلەسىپ رەتتەۋدەگى تۇسىنىسپەنشىلىكتەرى پەن اشىقتىعى ءۇشىن العىسىن ءبىلدىردى.
بۇنداي قارىم-قاتىناس بولاشاقتا جاقسى داستۇرگە اينالۋى مۇمكىن ەكەنىن اتاپ وتكەن ءجون. ويتكەنى، وسى سەكىلدى اكسيالاردى وتكىزۋدىڭ باستى جانە جالپى ماقساتى جاستاردى ەكولوگيالىق مادەنيەتكە جانە قورشاعان ورتاعا ۇقىپتى قاراۋداعى كوزقاراستارىن تاربيەلەۋ بولىپ تابىلادى.
