وليمپيادا جاپونيانىڭ وساكا قالاسىندا 24 شىلدە مەن 2 تامىز ارالىعىندا ونلاين فورماتتا ءوتتى.
ۇلتتىق قۇرامانىڭ قورجىنىندا ءۇش كۇمىس جانە ءبىر قولا بار، دەپ حابارلايدى Almaty-akshamy.kz ق ر بعم باسپا ءسوز قىزمەتىنە سىلتەمە جاساپ.
زياتكەرلىك جارىسقا الەمنىڭ 79 ەلىنەن 312 وقۋشى قاتىستى. قازاقستاننىڭ اتىنان نۇر-سۇلتان، الماتى، قاراعاندى جانە پاۆلودار قالاسىنان ءتورت وقۋشى، ياعني رەسپۋبليكالىق پاندىك وليمپيادانىڭ جەڭىمپازدارى قاتىستى.
ۇلتتىق قۇرامانى جارىسقا تاجىريبەلى پەداگوگتەر مەن جاتتىقتىرۋشىلار دايىندادى. تەوريالىق تاپسىرمالاردى جوعارى دەڭگەيدە ورىنداعان قازاقستاندىق قاتىسۋشىلاردىڭ بارلىعى جۇلدەگەر اتاندى.
ق ر ءبىلىم جانە عىلىم ءمينيسترى اسحات ايماعامبەتوۆ ءوزىنىڭ Facebook پاراقشاسىندا بارلىق قاتىسۋشىلاردى جەڭىستەرىمەن قۇتتىقتادى.
«وليمپياداعا قاتىسۋشىلاردى جوعارى جەتىستىكتەرمەن قۇتتىقتايمىن! سىزدەر دايىندىقتارىڭىزدىڭ مىقتى ەكەنىن كورسەتتىڭىزدەر. ءار مەدال - سىزدەردىڭ قاجىرلى ەڭبەكتەرىڭىز بەن جەڭىسكە دەگەن ۇمتىلىستارىڭىزدىڭ ناتيجەسى. سىزدەرگە جاڭا شىڭداردى باعىندىرۋدا ساتتىلىك تىلەيمىن! وليمپيادا جۇلدەگەرلەرىنىڭ ۇستازدارى مەن جاتتىقتىرۋشىلارىنا بەرگەن بىلىمدەرى ءۇشىن، ال اتا-انالارىنا قولداۋ كورسەتكەنى ءۇشىن العىس ايتامىن. ءوز كەزەگىندە ءبىلىم جانە عىلىم مينيسترلىگى وقۋشىلارىمىزدىڭ زياتكەرلىك جارىستاردا كوشباسشىلىق ورىنعا يە بولۋى ءۇشىن جاعداي جاساۋدى جالعاستىرادى»، – دەپ جازدى اسحات ايماعامبەتوۆ.