قازاقستاندىق باقىلاۋشىلار الدا وتەتىن سايلاۋعا دايىندالىپ جاتىر

تاۋەلسىز بايقاۋشىلار سايلاۋدىڭ ادال جانە ءادىل وتۋىنە ءوز ۇلەسىن قوسۋعا دايىن.

 25 شىلدە كۇنى قازاقستان بويىنشا ءبىر مەزگىلدە 700-دەن استام اۋىل اكىمدەرىن سايلاۋى وتەدى. بۇل ساياسي پروسەسكە تاۋەلسىز باقىلاۋشىلار دا قاتىسۋعا دايىن، دەپ حابارلايدى Almaty –akshamy.kz. 

اعىمداعى جىلدىڭ شىلدە ايىندا جامبىل وبلىسىنىڭ 89 سايلاۋ ۋچاسكەسىندە، ال كەيىنگى ايلاردا 9 ۋچاسكەدە اۋىلدىق وكرۋگ اكىمدەرىنىڭ سايلاۋى وتكىزىلەدى. بۇعان «پارتيالىق ەمەس باقىلاۋ ورتالىعىنان» 194 بايقاۋشى قاتىسادى. قازاقپارات حابارلاعانداي، بۇل تۋرالى «پارتيالىق ەمەس باقىلاۋ ورتالىعى» رەسپۋبليكالىق قوعامدىق بىرلەستىگىنىڭ جامبىل وبلىسى فيليالىنىڭ جەتەكشىسى اسقار قادىرقۇلوۆ ايتتى. 

«اۋداندىق ماڭىزى بار قالالاردىڭ، اۋىلداردىڭ، كەنتتەردىڭ، اۋىلدىق وكرۋگ اكىمدەرىنىڭ توتە سايلاۋى – بۇل قازاقستان رەسپۋبليكاسىنىڭ دەموكراتيزاسيالاۋ پروسەسىندەگى جاڭا قادام. قازاقستاننىڭ كونستيتۋسياسىندا بەلگىلەنگەن دەموكراتيالىق قاعيدالار ءبىزدىڭ ەلدە ارى قاراي دا جۇزەگە اسىرىلا بەرەدى. بولاشاقتا اۋدان جانە وبلىس اكىمدەرىن سايلاۋىن ۇيىمداستىرۋ جوسپارلانۋدا. سايلاۋ كەزىندە ەڭ باستىسى – ونى وتكىزۋ بارىسىندا سايلاۋ پروسەسىنىڭ زاڭدىلىعى مەن اشىقتىعىن ساقتاۋ. ول ءۇشىن بىزدە سايلاۋدى باقىلاۋ سالاسىندا ۇلكەن تاجىريبەسى بار توپ قۇرىلدى. ءبىزدىڭ قوعامدىق بىرلەسىتىكتىڭ اتىنان قاتىساتىن تاۋەلسىز بايقاۋشىلار سايلاۋدىڭ ادال جانە ءادىل وتۋىنە ءوز ۇلەسىن قوسادى دەپ سەنەمىن»، - دەدى اسقار قادىرقۇلوۆ.

قازىرگى ۋاقىتتا ورتالىق ءوزىنىڭ بايقاۋشىلارى ءۇشىن ءبىرقاتار وقىتۋ سەمينارلارى مەن ترەنينگتەر وتكىزۋدە.