قازاقستاندا تەحنيكالىق ماقساتتاعى قاراسورانى وسىرۋگە رۇقسات بەرىلمەك

قازاقستان رەسپۋبليكاسىنىڭ ىشكى ىستەر مينيسترلىگى تەحنيكالىق قاراسورانى ونەركاسىپتىك كولەمدە وسىرۋگە رەسمي تۇردە رۇقسات بەرىلەتىنىن جاريالادى، دەپ حابارلايدى aqshamnews.kz

ءمينيستردىڭ ورىنباسارى سانجار ءادىلوۆتىڭ ايتۋىنشا، بۇل باستاما ەسىرتكىگە قاتىسى جوق، كەرىسىنشە وندىرىستىك، مەديسينالىق، قۇرىلىس جانە توقىما سالالارىنا قاجەت شيكىزات وندىرۋگە باعىتتالعان.

قاراسورا — بۇل وندىرىستىك شيكىزات

سانجار ءادىلوۆ ناقتىلاپ ءوتتى:

• «بۇل — ەسىرتكى ەمەس، بۇل — شيكىزات»

• وسىرىلەتىن تەحنيكالىق كونوپلياداعى تگك مولشەرى (ەسىرتكىلىك اسەر ەتۋشى كومپونەنت) نەبارى 0،1–0،3%

• جۇيە قاتاڭ باقىلاۋدا بولادى: ەگىن سەبۋدەن باستاپ، سوڭعى تالشىعىنا دەيىن

ليسەنزيالار بەرىلىپ جاتىر

قازىرگى ۋاقىتتا قازاقستاندا 4 كاسىپورىنعا ليسەنزيا بەرىلگەن، ونىڭ ءبىرى — قوستاناي وبلىسىندا ورنالاسقان، تگك-سىز، تولىقتاي ءقاۋىپسىز «نولدىك» قاراسورا وسىرەتىن اگروكەشەن. بۇل كاسىپورىن مەملەكەتتىك ستاندارتتارعا (گوست) تولىق سايكەس جۇمىس ىستەيدى.

قاراسورا قايدا قولدانىلادى؟

ونەركاسىپتىك قاراسورا:

• توقىما وندىرىسىندە (ارقان، ماتا، كيىم)

• قۇرىلىس سالاسىندا (ەكو-بلوك، يزولياسيا ماتەريالدارى)

• مەديسينادا (تابيعي ەمدىك كومپونەنتتەر)

• قورعانىس ونەركاسىبىندە دە پايدالانىلادى

بۇگىنگى تاڭدا كوپتەگەن مەملەكەتتەر قاراسورانى ەكولوگيالىق جانە ۇنەمدى شيكىزات رەتىندە كەڭىنەن قولدانۋدا.

 مالىمدەدى:

«بۇل ءونىمنىڭ ناشاقورلىققا ەش قاتىسى جوق. مۇندا ەسىرتكىلىك اسەر بەرەتىن زاتتار جوق. سوندىقتان بۇل ناركوماندارعا ارنالعان تاۋار ەمەس»، -دەدى سانجار ءادىلوۆ.

قازاقستاندا تەحنيكالىق كونوپليانى زاڭداستىرۋ — ەكونوميكانى ءارتاراپتاندىرۋ، ەكولوگيالىق تازا ءوندىرىستى دامىتۋ جانە جاڭا جۇمىس ورىندارىن قۇرۋ باعىتىنداعى قادام رەتىندە قاراستىرىلىپ وتىر.