جۇمىسشى ماماندىقتار جىلى اياسىندا ق ر وقۋ-اعارتۋ مينيسترلىگىنىڭ «Talap» كەاق تەحنيكالىق جانە كاسىپتىك ءبىلىم بەرۋ بويىنشا اقپاراتتىق كارتانى ازىرلەۋدە. بۇل پلاتفورما ەلىمىزدەگى كوللەدجدەر تۋرالى كەشەندى جانە وزەكتى اقپاراتتى ءبىر سيفرلىق كارتادا جانە ىڭعايلى فورماتتا شوعىرلاندىرادى.
ينتەراكتيۆتى كارتا پايدالانۋشىعا قاجەتتى ءوڭىردى تەز تابۋعا جانە ايماقتاعى كوللەدجدەر، ستۋدەنتتەر مەن وقىتۋشىلاردىڭ سانى، جاتاقحانالار، سپورت زالدارى جانە باسقا دا نىساندار، دايارلاۋ باعىتتارى مەن ماماندىقتار ءتىزىمى جونىندە اقپارات الۋعا مۇمكىندىك بەرەدى.
پلاتفورمادا ايماقتار، اۋداندار، ناقتى كوللەدجدەر مەن ءبىلىم بەرۋ باعدارلامالارى بويىنشا يكەمدى ىرىكتەۋ جۇيەسى قاراستىرىلعان.
«بۇگىندە مۇنداي اقپارات تەك جەكەلەگەن پلاتفورمالاردا نەمەسە جەرگىلىكتى اتقارۋشى ورگانداردىڭ سايتتارىندا عانا جيناقتالادى. جاڭا كارتا ەل اۋماعى بويىنشا دەرەكتەردى بىرىكتىرىپ، ۋاكىلەتتى ورگاندار، ستۋدەنتتەر مەن ولاردىڭ اتا-انالارى ءۇشىن دە پايدالى قۇرالعا اينالادى»، — دەدى ق ر وقۋ-اعارتۋ مينيسترلىگىنىڭ تەحنيكالىق جانە كاسىپتىك ءبىلىم بەرۋ دەپارتامەنتىنىڭ ديرەكتورى اسەت مۇحانبەتوۆ.
قازىرگى ۋاقىتتا تەحنيكالىق جانە كاسىپتىك ءبىلىم بەرۋ كارتاسىنىڭ وزەكتى نۇسقاسى سايتتا قولجەتىمدى. پيلوتتىق ىسكە قوسۋ 2025 جىلدىڭ شىلدە ايىنا جوسپارلانعان.
جۇيە «Talap» كەاق رەسمي سايتىندا جانە map.talap.edu.kz/map مەكەنجايى بويىنشا قولجەتىمدى.