2025 جىلعى شىلدە قازاقستاندىقتار ءۇشىن بىرنەشە ماڭىزدى جاڭالىق پەن وزگەرىسكە تولى بولماق. مەرەكەلىك دەمالىستان باستاپ، گاز باعاسىنىڭ ءوسۋى، جاڭا مەديسينالىق جۇيە مەن تۇرعىن ءۇي ەرەجەلەرىنىڭ وزگەرۋىنە دەيىنگى جاڭالىقتاردى قىسقاشا شولىپ وتەمىز. تولىعىراق اqshamnews.kz ءتىلشىسىنىڭ ماتەريالىندا.
ءۇش كۇن قاتارىنان دەمالىس بولادى
6 شىلدە – استانا كۇنى. بيىل بۇل كۇن جەكسەنبىگە تۋرا كەلىپ تۇرعاندىقتان، دەمالىس 7 شىلدەگە (دۇيسەنبىگە) اۋىسادى. وسىلايشا، ەل تۇرعىندارى ءۇش كۇن قاتارىنان (6، 7 جانە 8 شىلدە) دەمالىپ، مەرەكەنى كەڭ كولەمدە اتاپ وتە الادى.
سۋرەت: depositphotos.com
نە قىمباتتايدى؟
شىلدەدەن باستاپ ءىرى كوممەرسيالىق تۇتىنۋشىلار مەن ماينينگپەن اينالىساتىندارعا ارنالعان گاز باعاسى وسەدى. ەڭ قىمبات باعا الماتى، الماتى وبلىسى جانە جەتىسۋ وبلىسىندا تىركەلگەن – 76 686 تەڭگە/مىڭ تەكشە مەتر. ال ەڭ تومەنگى باعا – شىعىس قازاقستاندا، مۇندا گازدىڭ مىڭ تەكشە مەترى 13 069 تەڭگە بولادى.
سونداي-اق، ۇن مەن مايدىڭ جانە الكوگولدىڭ دە باعاسى كوتەرىلەدى. بۇل تۋرالى ق ر ساۋدا جانە ينتەگراسيا مينيسترلىگى حابارلادى.
ۇن 44،6%-عا (ەڭ تومەنگى باعا كيلوگراممىنا 96،65 تەڭگەدەن 139،81 تەڭگەگە دەيىن)، كۇنباعىس مايى 61،2%-عا قىمباتتايدى. اشىتقى دا قىمباتتايدى. بۇل ينگرەديەنتتەردىڭ ماڭىزدىلىعىن ەسكەرسەك، كوپ تاعامدى دايىنداۋ قۇنى دا ارتادى. نان، كونديتەرلىك ونىمدەر مەن ۇن ونىمدەرى دە قىمباتتاۋى مۇمكىن.
الكوگولگە كەلەتىن بولساق: اراق 6،4%-عا، ءليترى 1136،16 تەڭگەگە دەيىن، ال كونياك 21،5%-عا، ءليترى 3282،97 تەڭگەگە دەيىن قىمباتتايدى.
سۋرەت: depositphotos.com
مەديسينالىق كومەكتى تولەۋدىڭ جاڭا جۇيەسى ەنگىزىلەدى
1 شىلدەدەن باستاپ ەلىمىزدىڭ بارلىق وڭىرىندە مەديسينالىق كومەكتى تولەۋدىڭ ءبىرىڭعاي جۇيەسى ەنگىزىلەدى. بۇل جۇيە مەديسينالىق قىزمەتتەردى قارجىلاندىرۋدا ادىلەتتىلىكتى قامتاماسىز ەتۋدى، جەمقورلىقتى بولدىرماۋدى جانە ساپالى ەم الۋعا مۇمكىندىك بەرۋدى كوزدەيدى. پيلوتتىق جوبا 1 ناۋرىزدا اقمولا وبلىسىندا باستالعان.
سۋرەت: depositphotos.com
ەلەكترون قۇجاتتاردى سوتقا تاپسىرۋ ءتارتىبى وزگەرەدى
سوت ىستەرىنە قاتىستى قۇجاتتاردى ەلەكترون تۇردە جىبەرۋ ەرەجەسىنە وزگەرىس ەنگىزىلدى. 1 شىلدەدەن باستاپ قۇجات كولەمى 20 مب-قا دەيىن ۇلعايتىلادى (بۇرىن 10 مب ەدى)، قۇجاتتار *doc، *docx، *pdf، *xlsx فورماتتارىندا قابىلدانادى. قاتە ادرەساتقا جولدانعان، وقۋعا كەلمەيتىن نەمەسە قولتاڭباسى دۇرىس ەمەس فايلدار قابىلدانبايدى.
سۋرەت: depositphotos.com
تۇرعىن ءۇي تولەمدەرىنە قاتىستى جاڭا ەرەجە
جاڭا وزگەرىستەرگە سايكەس، شىلدەنىڭ 1-ىنەن كەيىن قىزمەتكە كىرگەن پروكۋراتۋرا، ەكونوميكالىق تەرگەۋ جانە ازاماتتىق قورعاۋ سالاسى قىزمەتكەرلەرى دە تۇرعىن ءۇي تولەمىن الۋعا مۇمكىندىك الادى. قىزمەت ءوتىلى 20 جىلدان اسقان ماماندارعا مەملەكەتتىك تۇرعىن ءۇيدى جەكەشەلەندىرۋگە رۇقسات بەرىلەدى. سونىمەن قاتار، تولەم ەسەبىنەن الىناتىن تۇرعىن ءۇي كولەمى 90 شارشى مەترمەن شەكتەلەدى.
سۋرەت: depositphotos.com
رەسەيگە كىرۋ ءتارتىبى كۇردەلەنە تۇسەدى
30 ماۋسىمنان باستاپ رەسەيگە كىرۋ ءۇشىن ەلەكترون ءوتىنىشتى ساپارعا كەمىندە 72 ساعات بۇرىن تولتىرۋ مىندەتتەلەدى. تەك شۇعىل جاعدايلاردا (جاقىنىنىڭ ءولىمى، شۇعىل ەمدەلۋ) 4 ساعات بۇرىن حابارلاۋعا رۇقسات ەتىلەدى. سونىمەن قاتار، بارلىق وتكىزۋ بەكەتىندە ساۋساق ءىزىن تاپسىرىپ، فوتوسۋرەتكە ءتۇسۋ تالاپ ەتىلەدى.
سۋرەت: depositphotos.com
جاڭا اۋە رەيستەرى اشىلادى
– 2 شىلدەدەن باستاپ پەتروپاۆلدان ەگيپەتتىڭ شارم-ەل-شەيح قالاسىنا تىكەلەي رەيستەر اشىلادى.
– شىمكەنتتەن قىتايدىڭ ەكى قالاسىنا جاڭا رەيستەر قوسىلادى:
• سيان – ءار سارسەنبى جانە سەنبى كۇنى
• ءۇرىمجى – ءار سەيسەنبى جانە جۇما كۇنى
سۋرەت: depositphotos.com
الماتىدا بالاباقشالاردى ۆاۋچەرلىك قارجىلاندىرۋ جۇيەسى ىسكە قوسىلادى
1 شىلدەدەن باستاپ الماتى قالاسىندا بالاباقشالاردى ۆاۋچەرلىك قارجىلاندىرۋ جۇيەسى ەنگىزىلەدى. وقۋ-اعارتۋ مينيسترلىگىنىڭ 2024 جىلعى 30 جەلتوقسانداعى بۇيرىعىنا سايكەس، بۇل جۇيە مەكتەپكە دەيىنگى ءبىلىمنىڭ قولجەتىمدىلىگىن ارتتىرۋ، ساپاسىن جاقسارتۋ جانە اتا-انالارعا بالاباقشا تاڭداۋ ەركىندىگىن بەرۋ ماقساتىندا ىسكە اسىرىلماق.
باعدارلاماعا الماتىداعى 988 بالاباقشا قاتىسادى، ونىڭ ىشىندە 196 مەملەكەتتىك جانە 792 جەكەمەنشىك بالاباقشا بار. اتا-انالار بالاباقشانى بوس ورىنعا قاراي تاڭداي الادى. ۆاۋچەر ارقىلى اتا-انالار بالاباقشاعا اقى تولەپ، مەملەكەتتىك نەمەسە جەكەمەنشىك مەكەمەلەردەن قىزمەت الا الادى.
ۆاۋچەردى الۋ ءۇشىن اتا-انالار ەلەكترون پورتال ارقىلى ءوتىنىش بەرىپ، بالاباقشاعا بارعانى تۋرالى راستاۋدى ۇسىنعاننان كەيىن قارجىلاندىرۋ الادى. بۇل جۇيە مەكتەپكە دەيىنگى ءبىلىمدى بارلىق الەۋمەتتىك توپتارعا قولجەتىمدى ەتۋگە جانە قىزمەت كورسەتۋ ساپاسىن ارتتىرۋعا باعىتتالعان.
سۋرەت: depositphotos.com
جاڭا ايىپپۇل ءتۇرى كۇشىنە ەنەدى
5 شىلدەدەن باستاپ قازاقستاندا كوشەدە جانە اۋلادا وسكەن اعاشتاردى زاڭسىز كەسۋگە تىيىم سالىنادى. ەكولوگيا جانە تابيعي رەسۋرستار ءمينيسترىنىڭ بۇيرىعىنا سايكەس، سيرەك جانە جويىلىپ بارا جاتقان اعاش تۇرلەرىن، سونداي-اق قاراپايىم وسىمدىكتەردى كەسۋ ءۇشىن ايىپپۇلدار بەلگىلەندى. مىسالى، قاراعاي مەن شىرشا ءۇشىن ايىپپۇل 15-45 اەك (58 980 تەڭگەدەن 176 940 تەڭگەگە دەيىن)، ال گرەك جاڭعاعى اعاشى ءۇشىن 50-80 اەك (196 600 تەڭگەدەن 314 560 تەڭگەگە دەيىن) مولشەرىندە بولادى.
سۋرەت: depositphotos.com