قازاقستاندا كەيبىر مەملەكەتتىك قىزمەتكەرلەرگە كاسىپكەرلىكپەن اينالىسۋعا رۇقسات بەرىلەدى

ءبىراق كاسىپكەرلىك قىزمەت لاۋازىمدىق مىندەتتەرىن ورىنداۋعا كەدەرگى كەلتىرمەۋى ءتيىس.

قازاقستان كونستيتۋسياسىنا سايكەس كەلمەيتىن كەيبىر زاڭ نورمالارى جويىلماق. ءتيىستى زاڭ جوباسىن ءبىرىنشى وقىلىمدا ءماجىلىس دەپۋتاتتارى ماقۇلدادى، دەپ حابارلايدى aqshamnews.kz.

قۇجاتقا سايكەس، مەملەكەتتىك فۋنكسيالاردى ورىنداۋعا ۋاكىلەتتى تۇلعالارعا كاسىپكەرلىكپەن اينالىسۋ قۇقىعىنا قويىلعان شەكتەۋ كونستيتۋسياعا قايشى دەپ تانىلدى.

"ياعني، مەملەكەتتىك قىزمەتشىلەرگە تەڭەستىرىلگەن تۇلعالار ەندى كاسىپكەرلىك قىزمەتپەن اينالىسا الادى. ولارعا رمقك، كوممۋنالدىق كاسىپورىندار، كوممۋنالدىق مەملەكەتتىك مەكەمەلەر، سونىڭ ىشىندە مەكتەپتەر مەن اۋرۋحانالارداعى باسقارۋشىلىق فۋنكسيالاردى جۇزەگە اسىراتىن تۇلعالار جاتادى. بۇلار – ءبىرىنشى باسشىلار، ولاردىڭ ورىنباسارلارى، مەملەكەتتىك ساتىپ الۋ دەپارتامەنتتەرىنىڭ باسشىلارى، فيليالداردىڭ باسشىلارى"، – دەدى ءماجىلىس دەپۋتاتتارىنىڭ الدىندا سويلەگەن سوزىندە سىبايلاس جەمقورلىققا قارسى قىزمەت ءتوراعاسىنىڭ ورىنباسارى ۇلان سارقۇلوۆ.

الايدا كاسىپكەرلىك قىزمەت لاۋازىمدىق مىندەتتەردى ورىنداۋعا كەدەرگى كەلتىرمەۋى، قىزمەتتىك مۇلىكتى پايدالانۋدى تۋىنداتپاۋى جانە لاۋازىمدىق مىندەتتەرىمەن مۇددەلەر قاقتىعىسىنا اكەلمەۋى ءتيىس.

كاسىپكەرلىك قىزمەتپەن اينالىسۋعا قويىلعان تىيىمدى ساقتاپ قالۋ ۇسىنىلادى:

▪ اۋماقتىق سايلاۋ كوميسسيالارىنىڭ تۇراقتى نەگىزدە وكىلەتتىكتەرىن جۇزەگە اسىراتىن مۇشەلەرىنە؛

▪ ۇلتتىق بانك قىزمەتكەرلەرىنە؛

▪ قارجى نارىعىن رەتتەۋ جانە دامىتۋ اگەنتتىگى قىزمەتكەرلەرىنە؛

▪ "قازاقستان اۆياسيالىق اكىمشىلىگى" اق قىزمەتكەرلەرىنە؛

▪ ۇلتتىق حولدينگتەر مەن ۇلتتىق كومپانيالارداعى باسقارۋشىلارعا؛

▪ بيۋدجەتتەن قارجىلاندىرىلاتىن جوبالاردى تاڭداۋ جانە ساتىپ الۋ سالاسىنداعى بولىمشەلەرگە