استانادا ق ر دەنساۋلىق ساقتاۋ مينيسترلىگى ءپىب مەديسينالىق ورتالىعىمەن بىرلەسىپ ۇيىمداستىرعان «دەنى ساۋ ۇرپاق — ۇلت بولاشاعى» پرەناتالدىق مەديسينا ماماندارىنىڭ II حالىقارالىق كونگرەسى ءوتتى.
كونگرەستىڭ جۇمىسى ءۇش بەيىندى سەكسيا فورماتىندا ءوتتى: «مەديسينالىق گەنەتيكا: سكرينينگتەن ءدال دياگنوستيكاعا دەيىن» جانە «پرەناتالدىق ۋلترادىبىستىق دياگنوستيكا، دەپ حابارلايدى aqshamnews.kz.
پرەناتالدىق مەديسينانىڭ قازىرگى اسپەكتىلەرى» جانە «بالالاردىڭ دەنساۋلىعىن ساقتاۋداعى مۋلتيديسيپلينالىق ءتاسىل». سەكسيالىق وتىرىستار مەديسينالىق گەنەتيكادان باستاپ نەوناتالدىق حيرۋرگياعا دەيىنگى ءارتۇرلى باعىتتاعى مامانداردى جينادى.
ق ر پارلامەنتىنىڭ سەناتورى نۇرتورە ءجۇسىپ قاتىسۋشىلارعا قۇتتىقتاۋ ءسوز سويلەپ، ەلدىڭ بولاشاعى جاس ۇرپاقتىڭ دەنساۋلىعىنا تىكەلەي بايلانىستى ەكەنىن اتاپ ءوتتى.
كونگرەسكە رەسەي، ۋكراينا، چەحيا، يسپانيا، اقش جانە بولگاريادان كەلگەن حالىقارالىق ساراپشىلار قاتىستى. ولاردىڭ قاتارىندا روزا باتايەۆا، پاۆەل گالدا، ماريا دەل مار حيل، ەلەنا سينكوۆسكايا، پەتيا چاۆەيەۆا جانە باسقالار بار.
قوناقتار قازاقستاندىق مامانداردى دايارلاۋدىڭ جوعارى دەڭگەيىن جانە پرەناتالدىق دياگنوستيكا مەن تەراپياداعى وزىق تاسىلدەرگە قىزىعۋشىلىقتىڭ ارتىپ كەلە جاتقانىن اتاپ ءوتتى.
سپيكەرلەر تۋا بىتكەن كەمىستىكتەردى ەرتە انىقتاۋ، ۇرىقتىڭ دامۋ اۋىتقۋلارىن دياگنوستيكالاۋدىڭ زاماناۋي ادىستەرى، سونداي-اق قازاقستانداعى ۇرىق جانە نەوناتالدىق حيرۋرگيانىڭ جەتىستىكتەرى تۋرالى باياندامالار جاساپ، تاجىريبەلەرىمەن ءبولىستى، بىرەگەي كلينيكالىق جاعدايلاردى تالدادى.
جۇمىس قورىتىندىسى بويىنشا قارار قابىلداندى، وندا ەلدەگى پرەناتالدىق مەديسينانى ودان ءارى دامىتۋ باعىتتارى، سونداي-اق كاسىبي قوعامداستىقتى نىعايتۋ جانە يننوۆاسيالىق تەحنولوگيالاردى پراكتيكاعا ەنگىزۋ جونىندەگى ءىس-شارالار كورسەتىلگەن.
پلەنارلىق ءبولىم قارساڭىندا قاتىسۋشىلار پراكتيكالىق ماستەر-كلاستارعا قاتىستى. ولاردىڭ اراسىندا «پرەناتالدىق سكرينينگ ماماندارىنا ارنالعان Thermo Fisher Scientific فورۋمى»، «امنيوتيكالىق سۇيىقتىق جاسۋشالارىن ءوسىرۋ»، «ۇرىقتىڭ ەحوكارديوگرافياسى جانە جۇكتىلىك كەزىندەگى ۋلترادىبىستىق دوپلەروگرافيا» بار.
گەنەتيكالىق اۋرۋلار مەن تۋا بىتكەن كەمىستىكتەردى ەرتە انىقتاۋ ءۇشىن «ءبىر كۇندىك كلينيكالار» 15 پەريناتالدىق ورتالىق بازاسىندا اشىلدى، 70 مىڭنان استام جۇكتى ايەل زەرتتەپ-قاراۋدان ءوتتى. جۇكتى ايەلدەردى پرەناتالدىق سكرينينگپەن قامتۋ 2024 جىلى 90%-عا جەتتى.
ءبىر كۇندىك كلينيكا جوباسىن ەنگىزۋ ناتيجەسىندە ۇرىقتىڭ تدك انىقتالۋى 13%-عا ءوستى، ومىرمەن ۇيلەسىمسىز تدك بار بالالاردىڭ تۋۋى 7%-عا تومەندەدى.