بۇل تۋرالى قازاقستان-قىتاي دوڭگەلەك ۇستەلى بارىسىندا ايتىلدى.
زاۋىت قاراعاندى وبلىسىنىڭ ساران قالاسىندا سالىنباق، دەپ حابارلايدى aqshamnews.kz.
«بىرلەسكەن كاسىپورىن قۇرۋ تۋرالى كەلىسىمگە قول قويىلدى. «ساران» يندۋستريالىق ايماعىنىڭ بازاسىندا جۇك جانە كوممەرسيالىق تەحنيكا وندىرەتىن جاڭا زاۋىت سالىنادى. جاڭا كاسىپورىن قۇرۋ بىزگە قوسىمشا 1،5 مىڭ جۇمىس ورنىن اشۋعا مۇمكىندىك بەرەدى. سونداي-اق ءبىز جاڭا تەحنولوگيالاردى الامىز، دانەكەرلەۋ، كاتافورەز، بوياۋ جانە شاعىن توراپتى قۇراستىرۋ ءۇشىن زاماناۋي جابدىقتار ساتىپ الىنادى. جاس ينجەنەرلەر قىتايدا قولدانىلاتىن جاڭا داعدىلاردى يگەرۋگە مۇمكىندىك الادى»، — دەدى بىرلەسكەن جوبانىڭ جەتەكشىسى ارعۇلان مايقونوۆ.
