15-16 قازان ارالىعىندا تمد ەلدەرىنىڭ اۋماعىندا قىلمىسكەرلەردى انىقتاۋ جانە ۇستاۋ ماقساتىندا "ىزدەستىرۋ" جەدەل-پروفيلاكتيكالىق ءىس-شاراسى وتكىزىلدى، - دەپ حابارلايدى aqshamnews.kz ءتىلشىسى Polisia.kz-كە سىلتەمە جاساپ.
"قازاقستانعا بىرلەسكەن ىزدەستىرۋ شارالارىن جۇرگىزۋ ءۇشىن رەسەي فەدەراسياسى ىشكى ىستەر مينيسترلىگىنىڭ ىزدەستىرۋ توبى كەلدى. ءوز كەزەگىندە شىعىس قازاقستان، قاراعاندى، پاۆلودار جانە سولتۇستىك قازاقستان وبلىستارى پوليسيا دەپارتامەنتتەرىنىڭ جەدەل توپتارى رەسەيگە بارىپ، ۇقساس ءىس-شارالار وتكىزدى. جالپى ەكى كۇن ىشىندە 286 قىلمىسكەر ۇستالدى. سونىمەن قاتار، 55 حابار-وشارسىز كەتكەن ادام، ونىڭ ىشىندە سەگىز كامەلەتكە تولماعان بالا تابىلدى"، - دەدى ءىىم كريمينالدىق پوليسيا دەپارتامەنتىنىڭ باستىعى قانات نۇرماعامبەتوۆ.