قارجى ۆيسە-مينيسترى ەرجان ءبىرجانوۆ 45 200 قازاقستاندىق ازامات رەسمي تۇردە بانكروت دەپ تانىلعانىن ايتتى، - دەپ حابارلايدى aqshamnews.kz ءتىلشىسى.
بۇل ادامداردىڭ قارجى ۇيىمدارىنىڭ الدىنداعى قارىزى 180 ملرد تەڭگەگە جەتكەن. قارىزدىڭ باسىم بولىگى - ەكىنشى دەڭگەيلى بانكتەردەگى نەسيەلەر.
"بۇل قارىز تۇگەل كەشىرىلدى دەۋگە بولادى. بۇل زاڭ جەكە تۇلعالاردىڭ قارجىلاي مىندەتتەمەلەرىن شەشۋگە ناقتى كومەكتەسىپ جاتىر"، - دەدى ءبىرجانوۆ ۇكىمەتتە وتكەن بريفينگتە.
بانكروت دەپ تانىلعان ازاماتتاردىڭ ىشىندە:
- 13 مىڭنان اسا ادام - بەس جىلدان اسا مەرزىم بويى قارىزىن وتەي الماعان بورىشكەرلەر؛
- 2،5 مىڭعا جۋىق ازامات - الەۋمەتتىك تىركەۋدە تۇرعان، جاعدايى اۋىر، تابىسى تومەن وتباسىلار.
وسىلايشا، زاڭ 45 مىڭنان اسا ادامنىڭ نەسيەلەرى تولىق كەشىرگەن. ءبىرجانوۆتىڭ ايتۋىنشا، بانكروتتىق پروسەسى تولىق اۆتوماتتاندىرىلعان جانە سوتتان تىس وتەدى.
بۇل جۇيە ادامي فاكتوردىڭ اسەرىن ازايتىپ، شەشىم قابىلداۋ ۇدەرىسىن بارىنشا ءادىل ءارى اشىق ەتۋگە مۇمكىندىك بەرەدى.
"جەكە تۇلعالاردىڭ بانكروت تۋرالى زاڭى ءتيىمدى جۇمىس ىستەپ تۇر. قايتا قاراۋ نەمەسە ادام فاكتورىنا تاۋەلدى شەشىمدەر جوق"، - دەدى ۆيسە-مينيستر.