قازاقستان مەن اۋعانستان اسكەري ىنتىماقتاستىق تۋرالى ەكىجاقتى كەلىسىمگە قول قويدى
قازاقستاننىڭ قورعانىس ءمينيسترى، گەنەرال-لەيتەنانت نۇرلان ەرمەكبايەۆ پەن اۋعانستان پرەزيدەنتىنىڭ ۇلتتىق قاۋىپسىزدىك جونىندەگى كەڭەسشىسى حامدۋللا موحيب كەزدەستى، دەپ حابارلادى Almaty-akshamy.kz. ق ر قورعانىس مينيسترلىگىنىڭ تاراتقان حابارىنا سىلتەمە جاساپ.
كەزدەسۋدە اۋعانستان توڭىرەگىندەگى احۋال جونىندەگى ماسەلەلەر تالقىلاندى. گەنەرال-لەيتەنانت نۇرلان ەرمەكبايەۆ ەلىمىز اۋعانستانداعى رەسپۋبليكالىق دەموكراتيالىق جۇيەنىڭ ساقتالۋىن قولدايتىنىن اتاپ ءوتتى. مينيستر شەتەل اسكەرلەرىنىڭ شىعارىلۋى ەلدەگى جاعدايدى تۇراقتاندىرۋعا نەگىز بولادى، سونداي-اق قاقتىعىسۋشى تاراپتاردىڭ كەلىسپەۋشىلىكتەرىن جويۋ ءۇشىن ىمىرالى شەشىمدەر تابىلادى دەگەن ءۇمىتىن ءبىلدىردى.
كەزدەسۋ سوڭىندا قازاقستان رەسپۋبليكاسىنىڭ ۇكىمەتى مەن اۋعانستان يسلام رەسپۋبليكاسىنىڭ ۇكىمەتى اراسىنداعى اسكەري ىنتىماقتاستىق تۋرالى ەكىجاقتى كەلىسىمگە قول قويىلدى.
اتالمىش قۇجات 2017 جىلعى شىلدە ايىندا اۋعانستان يسلام رەسپۋبليكاسى پرەزيدەنتىنىڭ ۇلتتىق قاۋىپسىزدىك جونىندەگى كەڭەسشىسى موحامماد اتماردىڭ قازاقستان رەسپۋبليكاسىنا ساپارى بارىسىندا جاسالعان كەلىسىمى نەگىزىندە ازىرلەندى.